სტაფილოს ეფექტური ნიღბები ყველა ტიპის სახის კანისთვის

სახის დასაჭიმი ნიღაბი – დაგჭირდებათ 1 ცალი სტაფილო, 2 ჩაის კოვზი თაფლი, 1 ჩაის კოვზი გვირილა, 3 ჭიქა წყალი. სტაფილო გახეხეთ და მოამზადეთ 2 სუფრის კოვზი პიურე, დაუმატეთ 2 კოვზი თხევადი თაფლი. დაიტანეთ სახეზე და გაიჩერეთ 20 წუთით. შემდეგ ჩამოიბანეთ გვირილის ნახარშით და წაისვით დღის დამატენიანებელი საცხი.
ნიღაბი ქერცვლადი კანისთვის – დაგჭირდებათ 1 ცალი სტაფილო, 1 კვერცხი, 1 ჩაის კოვზი არაჟანი, 1 ჩაის კოვზი გვირილა, 3 ჭიქა წყალი. მოამზადეთ სტაფილოს პიურე, კვერცხის გული და არაჟანი ათქვიფეთ ერთმანეთში, შეურიეთ ეს კომპონენტები ერთმანეთს და დაიტანეთ სახეზე. გაიჩერეთ 15 წუთით, შემდეგ გვირილის ნახარშით ჩამოიბანეთ და წაისვით დამატენიანებელი საცხი.
ნიღაბი ანთებითი პროცესის მქონე კანისთვის – დაგჭირდებათ 1 ცალი სტაფილო, 1 ცალი კარტოფილი, 1 კვერცხი, 1 სუფრის კოვზი გვირილა, 3 ჩაის ჭიქა წყალი. გახეხეთ სტაფილო და კარტოფილი და მოამზადეთ პიურე. 2-2 სუფრის კოვზ სტაფილოსა და კარტოფილს შეურიეთ კვერცხის გული. ნიღაბი დაიტანეთ სახეზე და გაიჩერეთ 5 წუთით, შემდეგ გვირილის ნახარშით ჩამოიბანეთ და წაისვით დამატენიანებელი საცხი.
აუცილებლად გამონახეთ დრო, სახლის პიროებებში სცადეთ ამ ნიღბების გაკეთება და შედეგით კმაყოფილი იქნებით.