საზოგადოება

საინტერესო ფაქტები ჩარლი ჩაპლინის ცხოვრებიდან

№4

ავტორი: რევაზ ტომარაძე 20:30 31.01

ჩარლი ჩაპლინი
დაკოპირებულია
  • ჩარლი ჩაპლინს ჰქონდა ბოშური სისხლი მამის ხაზით, რომლითაც ის ძალზე ამაყობდა.
  • ჯერ კიდევ პატარა ჩარლის მამა გალოთდა და მალე გარდაიცვალა, დედა კი ჭკუაზე შეიშალა. ჩარლის სკოლაში თითქმის არ უვლია, მოუწია გაზეთის დამტარებლად, სტამბაში დამხმარედ, ექიმის ასისტენტად მუშაობა.
  • დამწყები მსახიობი, ახალგაზრდა ჩაპლინი ერთხელ, როდესაც მოსმენაზე გამოიძახეს, ეშინოდა, რომ მისი როლის ტექსტის წაკითხვას დაავალებდნენ სცენიდან, რადგან მან კითხვა თითქმის არ იცოდა.
  • მოზარდ ასაკში ჩარლიმ დაიწყო ვიოლინოზე დაკვრის შესწავლა. ყოველდღიურად რამდენიმე საათს უკრავდა და შედეგად რამდენიმე წელს ვარიეტეს მუსიკოსად იმსახურა.
  • ჩარლი ჩაპლინი გახდა მსოფლიოში პირველი მსახიობი, რომლის ფოტოსურათი ჟურნალის გარეკანზე გამოქვეყნდა.
  • 1954 წელს ჩარლი ჩაპლინი მშვიდობის საერთაშორისო პრემიით დაჯილდოვდა.
  • ჩაპლინი იყო ცაცია. ვიოლინოზე ის მარცხენა ხელით უკრავდა. საერთოდ, ჰოლივუდში მრავლად არიან ცაციები, მაგალითად, კიანუ რივზი...
  • 1975 წელს ინგლისის დედოფალმა ჩაპლინს რაინდის წოდება მიანიჭა.
  • ჩაპლინი ოთხჯერ იყო დაქორწინებული და ჰყავდა 12 შვილი.
  • ჩაპლინი 40 წელი ცხოვრობდა ამერიკის შეერთებულ შტატებში, მაგრამ მოქალაქეობა ვერ მიიღო. 50-იან წლებში კი საერთოდ აუკრძალეს ქვეყანაში შესვლა მემარცხენე პოლიტიკური შეხედულებებისა და „მორალური აღვირახსნილობის“ გამო.
  • ბოლო შვილი მას 72 წლის ასაკში შეეძინა.
  • უკვე ცნობილმა ჩარლიმ, როგორც ინკოგნიტომ, მისი ორეულების კონკურსში მიიღო მონაწილეობა, მაგრამ ვერ გაიმარჯა (მესამე ადგილი დაიკავა).
  • გამოსასყიდის მიღების მიზნით ჩაპლინის საფლავი გათხარეს და მისი ნეშტი გაიტაცეს – ითხოვდნენ გამოსასყიდს, მაგრამ პოლიციამ ისინი დააკავა.
  • „ჰოლივუდის“ დიდების ხეივანში ჩაპლინის ორი ვარსკვლავია გახსნილი, ასეთი პატივი არცერთ სხვა მსახიობს არ რგებია წილად. ჩაპლინი სამგზის „ოსკარის“ მფლობელია.

სიახლეები ამავე კატეგორიიდან

ახალი ნომერი - №8

19-25 თებერვალი

კვირის ყველაზე კითხვადი

კვირის ასტროლოგიური
პროგნოზი

კვირის დღეების ასტროპროგნოზი