როგორ მოხვდა ნუცა გრიგალაშვილი რომის მოდის კვირეულზე და სად აღმოჩნდა ის მსოფლიო ვარსკვლავების გვერდით

– დავიბადე თბილისში, ამჟამად კი, ჩემს ოჯახთან ერთად, სურამში ვცხოვრობ. ვსწავლობ სურამის ¹2 საჯარო სკოლაში და ვარ მეცხრე კლასის მოსწავლე. ჩემი მთავარი ჰობი მოდელობა და სიმღერაა. განსაკუთრებით მაინტერესებს მოდის სფერო და მომავალში მსურს, გავხდე წარმატებული და ცნობილი მოდელი, რომელსაც მთელი მსოფლიო გაიცნობს. ამ სფეროში განვითარება ჩემთვის დიდი მოტივაცია და მიზანია. ამასთან ერთად, ძალიან მაინტერესებს იურიდიული სფეროც. მომავალში მინდა ჩავაბარო იურიდიულ ფაკულტეტზე და გავხდე ადვოკატი, რადგან სამართლიანობის დაცვა და ადამიანების დახმარება ჩემთვის ძალიან მნიშვნელოვანია. ვარ მიზანდასახული, შრომისმოყვარე და მუდამ ვცდილობ საკუთარი შესაძლებლობების განვითარებას, რათა მომავალში ჩემს მიზნებს წარმატებით მივაღწიო.

– როდის გადაწყვიტე მოდელობა?

– მოდელობა ბავშვობიდანვე ძალიან მაინტერესებდა. ხშირად ვუყურებდი სხვადასხვა სოციალურ ქსელში მოდის ჩვენებებს, მოდელების გამოსვლებსა და ფოტოსესიებს, რამაც ეს სფერო კიდევ უფრო შემაყვარა და დიდი ინტერესი გამიჩინა. სწორედ ამიტომ გადავწყვიტე, რომ სამოდელო სააგენტო „კატრინში“ მივსულიყავი. უკვე 7 წელია, რაც სააგენტო „კატრინის“ მოდელი ვარ. ამ წლების განმავლობაში ძალიან დიდი გამოცდილება და არაერთი წარმატება მივიღე. ამ ყველაფერმა უფრო მეტად დამარწმუნა, რომ მოდელობა ჩემი საყვარელი საქმეა. „კატრინის“ მოდელი 9 წლის ასაკში გავხდი. სწორედ ამ დროიდან დაიწყო ჩემი განვითარება მოდის სფეროში და ეს გზა ჩემთვის ძალიან მნიშვნელოვანი და წარმატებული აღმოჩნდა.

– კონკურსებში მონაწილეობ?

– ძალიან ბევრ კონკურსსა და პროექტში მაქვს მონაწილეობა მიღებული. თითოეული კონკურსი ჩემთვის დიდი გამოცდილება და ახალი შესაძლებლობაა, თუმცა ამ ყველაფერს თან ახლავს დიდი პასუხისმგებლობა, შრომა და მონდომება. მოდელობა მხოლოდ გარეგნობას არ ნიშნავს, საჭიროა დისციპლინა, თავდაჯერებულობა, მუდმივი განვითარება და საკუთარი თავის საუკეთესოდ წარმოჩენა. კონკურსებისთვის მზადება ხშირად ძალიან რთული და დამღლელია, რადგან დიდ დროსა და ენერგიას მოითხოვს. საჭიროა მუდმივი ვარჯიში, მომზადება, საკუთარ თავზე მუშაობა, განსაკუთრებით მაშინ, როდესაც შენი ქვეყნის სახელით გამოდიხარ. ჩემთვის ძალიან მნიშვნელოვანია, ღირსეულად და კარგად წარმოვაჩინო საქართველო, რადგან ეს უდიდესი პატივი და პასუხისმგებლობაა.

– როგორც ვიცი, აქტიურად მონაწილეობ მოდის კვირეულებში...

– მოდის კვირეულები ჩემთვის ერთ-ერთი ყველაზე საინტერესო, მნიშვნელოვანი და დაუვიწყარი გამოცდილებაა მოდელობის სფეროში. ეს არის ადგილი, სადაც მოდა, ხელოვნება, შრომა და ემოციები ერთმანეთთან ერთიანდება. ყოველი ჩვენება განსაკუთრებულად დასამახსოვრებელია, რადგან თითოეულ გამოსვლას დიდი პასუხისმგებლობა, მომზადება და შრომა ახლავს. მოდის კვირეულებზე მონაწილეობა ჩემთვის ძალიან დიდი გამოცდილებაა, რადგან იქ ყველაფერი ძალიან პროფესიონალურ დონეზე მიმდინარეობს. თითოეულ დეტალს უდიდესი მნიშვნელობა აქვს – სიარულს, პოზებს, თავდაჯერებულობას, ჩაცმულობას, მაკიაჟს, ვარცხნილობასა და საკუთარი თავის სწორად წარმოჩენას. ამ ყველაფრის უკან დგას ძალიან დიდი შრომა და მომზადება, რადგან მოდელმა პოდიუმზე თავი მაქსიმალურად კარგად და ღირსეულად უნდა წარმოაჩინოს. მოდის კვირეულები მხოლოდ ლამაზი ტანსაცმელი და პოდიუმი არ არის. ეს არის ადგილი, სადაც შეგიძლია, საკუთარი შესაძლებლობები გამოავლინო, განვითარდე და უფრო მეტად დაიხვეწო. ყოველი ჩვენება მაძლევს მეტ გამოცდილებას, მასწავლის პასუხისმგებლობას, დისციპლინას და თავდაჯერებულობას. განსაკუთრებით საინტერესოა კულისებში არსებული გარემო – ემოციები, მზადების პროცესი, დიზაინერებთან, ვიზაჟისტებთან და სხვა მოდელებთან ურთიერთობა. ამ დროს ხვდები, რამდენად დიდი შრომა დგას თითოეული წარმატებული ჩვენების უკან. მიუხედავად იმისა, რომ ზოგჯერ ყველაფერი ძალიან დამღლელია და დიდ ენერგიას მოითხოვს, პოდიუმზე გასვლის მომენტი ყველაფერს გავიწყებს და უდიდეს ბედნიერებას განიჭებს. მოდის კვირეულებზე ყველაზე მეტად ის მომწონს, რომ შესაძლებლობა მაქვს, გავიცნო სხვადასხვა ქვეყნის წარმომადგენლები, დიზაინერები და მოდელები, გავუზიარო მათ ჩემი გამოცდილება და მათგანაც ბევრი რამ ვისწავლო. ეს ურთიერთობები და ახალი ნაცნობები ჩემთვის ძალიან მნიშვნელოვანი და საინტერესოა, რადგან მაძლევს საშუალებას, უფრო მეტად განვვითარდე, როგორც მოდელი და როგორც პიროვნება. ჩემთვის ყოველი მოდის კვირეული არის კიდევ ერთი ნაბიჯი ჩემი ოცნებისკენ. ეს სფერო მაძლევს მოტივაციას, რომ ყოველთვის ვიმუშაო საკუთარ თავზე, ვიყო უფრო ძლიერი, თავდაჯერებული და მიზანდასახული. მიხარია, რომ მაქვს შესაძლებლობა, ვიყო ამ სამყაროს ნაწილი და მომავალშიც დიდი სურვილი მაქვს, უფრო მეტ საერთაშორისო მოდის კვირეულზე მივიღო მონაწილეობა.

რომის მოდის კვირეული ჩემთვის ერთ-ერთი ყველაზე განსაკუთრებული და დასამახსოვრებელი გამოცდილება იყო. ეს ღონისძიება ჩატარდა ულამაზეს და ისტორიულ ადგილას - PALAZZO BRANCACCIO-ში, რომელიც თავისი არქიტექტურით, ატმოსფეროთი და სილამაზით მართლაც საოცარ შთაბეჭდილებას ახდენს. იქ ყოფნა ჩემთვის დაუვიწყარი ემოცია იყო, რადგან ეს ადგილი განსაკუთრებულ გარემოს ქმნის და მოდის კვირეულს კიდევ უფრო შთამბეჭდავს ხდის. რომის მოდის კვირეული ჩემთვის ძალიან მნიშვნელოვანი იყო, რადგან ასეთ მასშტაბურ და პრესტიჟულ ღონისძიებაში მონაწილეობა თითოეული მოდელისთვის უდიდესი გამოცდილებაა. პოდიუმზე გასვლა, პროფესიონალურ გარემოში მუშაობა და იმ ემოციების განცდა, რაც მოდის კვირეულს ახლავს, ჩემთვის ძალიან დიდი მოტივაცია და შთაგონებაა.

განსაკუთრებით მინდა აღვნიშნო ამ მოდის კვირეულის ხელმძღვანელი და დირექტორი - ეკა მგალობლიშვილი, რომელიც როგორც ყოველთვის, ყველაფერს უმაღლეს დონეზე და საოცარი ორგანიზებულობით აკეთებს. მისი პროფესიონალიზმი, შრომა და თითოეულ დეტალზე ზრუნვა ნამდვილად შესამჩნევია. სწორედ მისი დიდი მონდომებისა და მხარდაჭერის დამსახურებით, ეს მოდის კვირეული ასეთი წარმატებული, ლამაზი და დაუვიწყარი გამოვიდა.

ჩემთვის ძალიან დიდი ბედნიერებაა, რომ მაქვს შესაძლებლობა, ვიყო ასეთი მნიშვნელოვანი და მაღალი დონის ღონისძიებების ნაწილი. ყოველი მსგავსი გამოცდილება მაძლევს უფრო მეტ თავდაჯერებულობას, გამოცდილებას და სურვილს, მომავალში კიდევ უფრო დიდ წარმატებებს მივაღწიო მოდის სფეროში.

– რას იტყვით კანის კინოფესტივალზე?

– წელს უკვე მეხუთედ მივიღე მონაწილეობა კანის კინოფესტივალში, რომელიც ჩემთვის ერთ-ერთი ყველაზე განსაკუთრებული და საყვარელი ღონისძიებაა. კანის ფესტივალი ჩემთვის არა მხოლოდ დიდი გამოცდილება, არამედ უდიდესი მოტივაცია და შთაგონების წყაროა. ფესტივალის განმავლობაში, ერთი კვირის მანძილზე, სხვადასხვა ჩვენებასა და ღონისძიებაში ვმონაწილეობდი. ჩვენებები მქონდა ისეთ პრესტიჟულ და ცნობილ ადგილებში, როგორებიცაა სასტუმრო „კარლტონი“ და „ჰილტონი“. ეს ყველაფერი ჩემთვის ძალიან ემოციური და მნიშვნელოვანი იყო, რადგან ასეთ გარემოში ყოფნა მოდელისთვის უდიდესი გამოცდილებაა. ყველაზე განსაკუთრებული და დაუვიწყარი მომენტი კი წითელ ხალიჩაზე გასვლა იყო. კანის წითელი ხალიჩა მთელი მსოფლიოს ყურადღების ცენტრშია და იქ გამოდიან მსოფლიოში ცნობილი მსახიობები, მოდელები და სხვადასხვა სფეროს წარმატებული ადამიანები. ჩემთვის უდიდესი ბედნიერება და სიამაყეა, რომ მეც მაქვს შესაძლებლობა, ამ ადამიანებთან ერთად გავიარო წითელ ხალიჩაზე და ვიყო ამ გრანდიოზული ღონისძიების ნაწილი. ყოველი ასეთი გამოცდილება კიდევ უფრო მეტ მოტივაციას მაძლევს, რომ განვვითარდე, ვიშრომო საკუთარ თავზე და მომავალში კიდევ უფრო დიდ წარმატებებს მივაღწიო. კანის კინოფესტივალი ჩემთვის ყოველთვის განსაკუთრებულ ადგილს დაიკავებს, რადგან ეს არის ადგილი, სადაც ჩემი ოცნებები და მიზნები უფრო რეალური ხდება.