რა უნდა ვიცოდეთ ანაფილაქსიურ შოკზე

რა იწვევს ანაფილაქსიურ შოკს

ანაფილაქსიურ შოკს იწვევს ორგანიზმის იმუნური სისტემის გადაჭარბებული რეაქცია რაიმე ალერგენზე.

ყველაზე ხშირ გამომწვევ მიზეზებს შორისაა:

* საკვები: არაქისი, თხილეული, მოლუსკები, თევზი, რძე, კვერცხი;

* მედიკამენტები: ანტიბიოტიკები (პენიცილინი), ტკივილგამაყუჩებლები;

* მწერის ნაკბენი: ფუტკარი, ბზიკი, კრაზანა;

* ლატექსი: ლატექსის ხელთათმანები და სხვა ნივთები.

სიმპტომები

ანაფილაქსიური შოკის სიმპტომები შეიძლება გამოვლინდეს ალერგენთან კონტაქტიდან რამდენიმე წუთში ან საათში. მათ შორისაა:

* კანის რეაქციები: გამონაყარი, სიწითლე, ქავილი, შეშუპება (სახეზე, ტუჩებზე, თვალების გარშემო);

* სუნთქვის პრობლემები: ხველა, სულხუთვა, სუნთქვის გაძნელება, ხმაურიანი სუნთქვა (სტრიდორი), ყელის შეშუპების შეგრძნება;

* საჭმლის მომნელებელი სისტემის პრობლემები: გულისრევა, ღებინება, მუცლის ტკივილი;

* სისხლის მიმოქცევის პრობლემები: თავბრუსხვევა, გონების დაკარგვა, სისუსტე, პულსის აჩქარება;

* ზოგადი სიმპტომები: შფოთვა, შოკის შეგრძნება.

რა უნდა გააკეთოთ ანაფილაქსიური შოკის დროს

* დაუყოვნებლივ გამოიძახეთ სასწრაფო დახმარება (112) – აუცილებლად აღნიშნეთ, რომ საქმე გაქვთ ანაფილაქსიურ შოკთან;

* დააწვინეთ ადამიანი ზურგზე, ფეხები აუწიეთ, რათა თავიდან აირიდოთ სისხლის მიმოქცევის პრობლემები. თუ პაციენტს სუნთქვა უჭირს, ის ნახევრად მჯდომარე მდგომარეობაში უნდა იყოს;

* შეინარჩუნეთ სიმშვიდე: ეცადეთ, მშვიდი იყოთ და დაამშვიდოთ დაზარალებული, სანამ სასწრაფო დახმარება მოვა.

პრევენცია

* ერიდეთ ალერგენებს: თუ იცით, რა იწვევს თქვენს ალერგიულ რეაქციას, ეცადეთ, თავი აარიდოთ მას;

* იქონიეთ ავტო-ინჟექტორი: თუ ოდესმე გქონიათ მძიმე ალერგიული რეაქცია, ექიმთან კონსულტაციის შემდეგ ატარეთ ადრენალინის ავტო-ინჟექტორი და იცოდეთ მისი გამოყენების წესი;

* გააფრთხილეთ გარშემო მყოფები: აცნობეთ მეგობრებს, ოჯახის წევრებსა და კოლეგებს თქვენი მდგომარეობის შესახებ, რათა საჭიროების შემთხვევაში დაგეხმარონ.

ანაფილაქსიური შოკი სერიოზული მდგომარეობაა, მაგრამ სწრაფი და დროული რეაგირებით შედეგი შეიძლება, იყოს დადებითი.