ექიმის რჩევები

პასუხი: ასეთი შემთხვევისთვის ბავშვის ხაზი (ABCDerm) სჯობს – ბევრად ნაზია და ნაკლებად გააღიზიანებს ანთებად კანს. კიდევ უკეთესია Atoderm-ის შხაპის ზეთი (Huile de douche), რომელიც ორივესთვისაა და კანს აწყნარებს.

კითხვა: რა ანალიზები უნდა გაკეთდეს, რომ გავიგო 41 წლის ასაკში რამდენად მაქვს დაორსულების შანსი?

პასუხი: ყველაზე ხშირად ამოწმებენ საკვერცხის რეზერვს, ოვულაციას და ზოგად ჰორმონულ ფონს. ყველაზე ხშირად ინიშნება AMH (ანტიმიულერის ჰორმონი საკვერცხის რეზერვის გასარკვევად), FSH, LH, ესტრადიოლი, პროგესტერონი, პროლაქტინი, TSH და ტრანსვაგინალური ექოსკოპია.

კითხვა: მყავს 12 წლის გოგონა, ბოლო ერთი თვეა, ძალიან ბევრი ქერტლი გაუჩნდა და რა მოვუხერხო აღარ ვიცი.

პასუხი: 12 წლის ასაკში ქერტლის ინტენსიური გაჩენა ხშირად დაკავშირებულია ორგანიზმში მიმდინარე ჰორმონალურ ცვლილებებთან, რაც კანის ცხიმიანობის მომატებას იწვევს. რადგან ჩვეულებრივი შამპუნები არ გეხმარებათ, უმჯობესია გამოიყენოთ სააფთიაქო ქსელში ხელმისაწვდომი სპეციალური სამკურნალო საშუალებები, რომლებიც შეიცავს კეტოკონაზოლს, სელენის სულფიდს ან თუთიის პირითიონს. ასეთი შამპუნი კვირაში ორჯერ უნდა გამოიყენოთ და თავზე, მინიმუმ, 5 წუთით გაიჩეროთ, რათა აქტიურმა ნივთიერებამ მოქმედება მოასწროს. ამ პერიოდში, ასევე, ეცადეთ, ბავშვი მაქსიმალურად მოერიდოს თმის ცხელი ფენით გაშრობას და ტკბილეულის ჭარბ მოხმარებას, რადგან ეს ხშირად ამწვავებს პრობლემას. თუ მდგომარეობა ერთ თვეში არ გამოსწორდა ან თან ახლავს კანის ძლიერი სიწითლე და ქავილი, აუცილებლად მიმართეთ დერმატოლოგს, რათა გამოირიცხოს სებორეული დერმატიტი და შეირჩეს უფრო სპეციფიკური სამკურნალო გეგმა.