მრავალძარღვას სამკურნალო თვისებები

ძირითადი სამკურნალო თვისებები

ჭრილობების შეხორცება და ანტისეპტიკური მოქმედება – ახალი ფოთლების წვენი ან დანაყილი ფოთოლი ეფექტურად აჩერებს მცირე სისხლდენას, დეზინფექციას უკეთებს ჭრილობას და აჩქარებს ქსოვილების აღდგენას (ნაკაწრები, დამწვრობა, მწერის ნაკბენი).

ანთების საწინააღმდეგო ეფექტი – მასში შემავალი აუკუბინი და ფლავონოიდები ამცირებენ ანთებით პროცესებს როგორც კანზე, ისე შინაგან ორგანოებში.

სასუნთქი სისტემის მკურნალობა – მრავალძარღვას ნაყენი გამოიყენება ხველის, ბრონქიტისა და ზედა სასუნთქი გზების ანთების დროს. მას აქვს ამოსახველებელი და ლორწოს გამათხევადებელი მოქმედება.

კუჭ-ნაწლავის ტრაქტის დარეგულირება – ფოთლების ნაყენი და წვენი გამოიყენება დაბალი მჟავიანობის მქონე გასტრიტის, წყლულოვანი დაავადებებისა და კოლიტის დროს. მრავალძარღვას თესლი მდიდარია ლორწოთი და ბოჭკოთი (ფსილიუმი), რაც ეფექტურად უწყობს ხელს შეკრულობის (ყაბზობის) მკურნალობასა და ნაწლავების პერისტალტიკის გაუმჯობესებას.

იმუნური სისტემის გაძლიერება – მასში არსებული ვიტამინები და ანტიოქსიდანტები ეხმარება ორგანიზმს ინფექციებთან ბრძოლაში.

მრავალძარღვას სამკურნალოდ გამოყენების რამდენიმე ძირითადი, საუკუნეებით გამოცდილი მეთოდი არსებობს. ფორმის შერჩევა დამოკიდებულია იმაზე, პრობლემა გარეგანია (ჭრილობა, დამწვრობა) თუ შინაგანი (ხველა, კუჭ-ნაწლავი).

1. გარეგანი გამოყენება (ჭრილობები, ნაკბენები, დამწვრობა) ახალი ფოთლის კომპრესი: ჯანსაღი ფოთლები გულდასმით გარეცხეთ გამდინარე წყალში. შემდეგ ოდნავ დანაყეთ ან ხელით დაჭყლიტეთ, ისე, რომ წვენი გამოყოს. დაიდეთ უშუალოდ ნაკაწრზე, ჭრილობაზე, მწერის ნაკბენზე ან მცირე დამწვრობაზე და დააფიქსირეთ ბინტით. შეიცვალეთ 2–3 საათში ერთხელ. ეს აჩერებს მცირე სისხლდენას და აჩქარებს შეხორცებას.

2. შინაგანი მიღება (ხველა, ბრონქიტი, კუჭ-ნაწლავი) მრავალძარღვას ჩაი: 1 სადილის კოვზ გამშრალ, დაქუცმაცებულ ფოთოლს დაასხით 1 ჭიქა (200 მილილიტრი) ადუღებული წყალი. დააფარეთ თავსახური და გააჩერეთ 15-20 წუთი. შემდეგ გადაწურეთ. მიიღეთ დალიეთ 1/3 ჭიქა დღეში 3-ჯერ, ჭამამდე 20-30 წუთით ადრე. ეფექტურია ამოსახველებლად მშრალი ხველისა და ბრონქიტის დროს, ასევე, დაბალი მჟავიანობის გასტრიტისას.

ახალი ფოთლების წვენი: ახალი ფოთლები კარგად გარეცხეთ, გაატარეთ ხორცსაკეპში ან დააბლენდერეთ. გამოწურეთ წვენი დოლბანდით (მარლით). 1 სადილის კოვზ წვენს შეურიეთ 1 სადილის კოვზი თაფლი და მიიღეთ დღეში 3-ჯერ ჭამამდე. გამოიყენება კუჭის წყლულოვანი დაავადებებისა და მონელების დარღვევის დროს.

3. თესლის გამოყენება (შეკრულობა და ნაწლავების წმენდა) თესლის ნახარში/ლორწო (ფსილიუმის ანალოგი): 1 სადილის კოვზ მრავალძარღვას თესლს დაასხით 1/2 ჭიქა თბილი წყალი, გააჩერეთ 30 წუთი, სანამ ლორწოვან მასად არ დაიბერება. მიიღეთ ჭამამდე 15 წუთით ადრე დიდი რაოდენობით წყალთან ერთად.