ექიმის რჩევები

პასუხი: რადგან გრავიკური და მსგავსი არასააფთიაქო პროდუქტები კლასიკურ სამკურნალო მედიკამენტებად არ რეგისტრირდება და, როგორც წესი, საკვები დანამატების კატეგორიას მიეკუთვნება, მათი ეფექტურობა და სანდოობა ხშირად არ არის დადასტურებული მაღალი ხარისხის კლინიკური კვლევებით. ამიტომ, ასეთი პროდუქტის მიღების დაწყებამდე, მისი შემადგენლობის, უსაფრთხოებისა და მოსალოდნელი სარგებლის დასაზუსტებლად, გირჩევთ, კონსულტაცია გაიაროთ უშუალოდ მამოლოგთან.

კითხვა: მაინტერესებს ჭიპლარის ჭეშმარიტი კვანძის შემთხვევაში არსებობს საკეისრო კვეთის ჩვენება?

პასუხი: დიახ, ჭიპლარის ჭეშმარიტი კვანძი შეიძლება, გახდეს საკეისრო კვეთის ჩვენება, განსაკუთრებით მაშინ, თუ ულტრაბგერითი (დოპლერით) კვლევისას ვლინდება ნაყოფის სისხლის მიმოქცევის დარღვევა, ზრდაში ჩამორჩენა ან მშობიარობის დროს გულისცემის გაუარესება (ნაყოფის დისტრესი).

კითხვა: 3 კვირაზე მეტია, მაქვს სიცხეები 37-37,4, სისხლის საერთო და C რეაქტიული ნორმაშია, რა შეიძლება, იწვევდეს ამ ყველაფერს?

პასუხი: 37-37,4 გრადუს ტემპერატურას, რომელსაც ნორმალური სისხლის საერთო ანალიზი და CRP ახლავს, შეიძლება, სხვადასხვა მიზეზი ჰქონდეს და ზოგიერთ ადამიანში ეს ინდივიდუალურ ნორმასაც კი წარმოადგენდეს. სხვა შესაძლო მიზეზებია გადატანილი ვირუსული ინფექციის შემდგომი მდგომარეობა, ფარისებრი ჯირკვლის ფუნქციის დარღვევა, ქრონიკული ინფექცია ან ნეიროვეგეტატიური დისრეგულაცია.

რუბრიკას უძღვება ოჯახის ექიმი

დავით სილაგაძე