ექიმის რჩევები

პასუხი: ეს პრეპარატი აძლიერებს კეტილეპტის მოქმედებას მისი პარალელური გამოყენების დროს.

კითხვა: თუ შეგიძლიათ, მითხრათ – რომელი მალამოა იმიკვომიდის შემცველი?

პასუხი: იმიკვომიდის შემცველია ალდარა (5%-იანი), კერავორტი, ზიკლარა.

კითხვა: რამდენად კარგია ჯანმრთელობისთვის ადორას (ეპედიუმ პასტა) ყოველდღიული მიღება?

პასუხი: ადორა მცენარეული კომპლექსია, უვნებელია ორგანიზმისთვის და არ იწვევს სიცოცხლისთვის საშიშ ძვრებს. მისი მიღება შეიძლება როგორც სიმპტომურად, ასევე რეგულარულად.

კითხვა: სიფილისის განკურნების შემთხვევაში ორგანოების დაავადებები კიდევ პროგრესირდება თუ საჭიროებს გამოკვლევებს?

პასუხი: სიფილისი დღეს ნებისმიერ სტადიაში იკურნება. შესაძლოა, შეუქცევადი იყოს ნერვული უჯრედების დაზიანება, მაგრამ ბაქრეტიას ანტიბიოტიკი ნებისმიერ ეტაპზე ერევა.

კითხვა: მთელი დღის განმავლობაში მაწუხებს ნახველი. ცხვირიდან და ყელიდან კი უსიამოვნო გემოს მყარი ნერწყვი ამომაქვს. რისი ბრალი იქნება და რა ანალიზი გავიკეთო?

პასუხი: მიზეზი შეიძლება, იყოს ტონზილიტი (ნუშურა ჯირკვლების/გლანდების ანთება) და/ან სინუსიტი – ცხვირის ღრუს დანამატი წიაღების ანთება. დიაგნოსტიკისა და მკურნალობის დანიშვნის მიზნით ყელ-ყურ-ცხვირის ექიმს უნდა მიმართოთ.

კითხვა: ღამით უცბად მეღვიძება და ამოსუნთქვას ვერ ვახერხებ, 10-15 წამი ვერ ვსუნთქავ, ამის შემდეგ ხშირად გული ამერია საშინელი შეგრძნებაა და იქნებ დამეხმაროთ.

პასუხი: შესაძლოა, მიზეზი იყოს ძილის აპნოე/სუნთქვის გაჩერების ეპიზოდები. ამის გამოსავლენად შეიძლება ჩატარდეს სომნოგრაფია – ძილის ჩაწერა, რომლის დროსაც ხდება სუნთქვისა და სატურაციის (სისხლის ჟანგბადით გაჯერება) განსაზღვრა. კვლევის დასაგეგმად მიმართეთ ოტორინოლარინგოლოგს.

რუბრიკას უძღვება ოჯახის ექიმი

მაია ნუცუბიძე