მანგოს გასაოცარი თვისებები

ძირითადი სამკურნალო და სასარგებლო თვისებები:

* იმუნიტეტის გაძლიერება – მანგო შეიცავს ბევრ C ვიტამინსა და A ვიტამინს, რომლებიც ხელს უწყობენ ორგანიზმის დაცვითი სისტემის გაძლიერებას;

* საჭმლის მონელების გაუმჯობესება – მასში არსებული ბოჭკო და ფერმენტები ხელს უწყობს მონელებას, ამცირებს შეკრულობის რისკს და აუმჯობესებს ნაწლავების მუშაობას;

* თვალების ჯანმრთელობა – A ვიტამინი და ბეტა-კაროტინი მნიშვნელოვანია მხედველობისთვის და თვალების სიმშრალის პროფილაქტიკისთვის;

* გულის ჯანმრთელობის მხარდაჭერა – მანგოში არსებული კალიუმი და მაგნიუმი ხელს უწყობს არტერიული წნევის რეგულაციას და გულ-სისხლძარღვთა სისტემის ნორმალურ ფუნქციონირებას;

* კანის მდგომარეობის გაუმჯობესება – ანტიოქსიდანტები და ვიტამინები ხელს უწყობს კანის ელასტიკურობას და კოლაგენის წარმოქმნას;

* ანტიოქსიდანტური მოქმედება – მანგოში არსებული პოლიფენოლები, მათ შორის მანგიფერინი, ეხმარება უჯრედებს თავისუფალი რადიკალების ზემოქმედებისგან დაცვაში;

* ენერგიის წყარო – ბუნებრივი შაქრები და ნახშირწყლები ორგანიზმს სწრაფ ენერგიას აძლევს;

* ტვინის ფუნქციის მხარდაჭერა – B ჯგუფის ვიტამინები მონაწილეობენ ნერვული სისტემის მუშაობასა და ენერგიის ცვლაში.

ხალხურ და ტრადიციულ მედიცინაში სხვადასხვა ფორმით გამოიყენებოდა როგორც ნაყოფი, ფოთლები, კურკა და ზოგჯერ ქერქიც.

მანგოს გამოყენების გავრცელებული გზები:

* ახალი ნაყოფი გამოიყენება იმუნიტეტის გასაძლიერებლად, ენერგიის ასამაღლებლად და ავიტამინოზის დროს.

* მანგოს წვენი გამოიყენება სისუსტის, გაუწყლოებისა და გადაღლილობის დროს. მიღებისას ზოგჯერ ურევენ წყალს ან ლიმონს;

* გამხმარი მანგო მცირე რაოდენობით გამოიყენება საჭმლის მონელების გასაუმჯობესებლად და ენერგიის მისაღებად;

* ფოთლების ნაყენი – ზოგ ქვეყანაში მანგოს ახალგაზრდა ფოთლებს აშრობენ, წყალში წამოადუღებენ და სვამენ.

ტრადიციულად იყენებდნენ: სისხლში შაქრის კონტროლის მხარდასაჭერად, ყელის ტკივილის დროს, მსუბუქი ანთებითი პროცესებისას.

კურკის ფხვნილი – გამხმარ კურკას ფქვავენ და მცირე რაოდენობით იყენებდნენ დიარეისა და ნაწლავური პრობლემების დროს.

კანისთვის მანგოს რბილობისგან ამზადებენ ნიღბებს კანის დატენიანებისთვის, ფერის გასაუმჯობესებლად.

ყელის ტკივილის დროს თბილ მანგოს წვენს ან ფოთლების თბილ ნაყენს იყენებდნენ ყელში გამოსავლებად.

გაფრთხილება: მანგოს დიდი რაოდენობით მიღებამ შეიძლება, სისხლში შაქარი გაზარდოს, ამიტომ დიაბეტის მქონე ადამიანებმა ზომიერად უნდა მიირთვან. მისმა ზედმეტმა მიღებამ, ასევე, შესაძლოა, გამოიწვიოს კუჭის გაღიზიანება ან დიარეა. ზოგიერთ ადამიანს კი შესაძლოა, ჰქონდეს ალერგიული რეაქცია.