შეკითხვა ასტროლოგს

პასუხი: მისი კარმული მისიაა, იყოს მეტად ორგანიზებული, დისციპლინირებული, შეუპოვარი, მიზანსწრაფული, მომთმენი, შრომისუნარიანი, პრაქტიკული, ფულის ყაირათიანად მხარჯველი. ასევე, უნდა დაეყრდნოს დიპლომატიას, ისწავლოს საკუთარ თავზე ინიციატივის აღება, უნდა შეეძლოს საიდუმლოს დაცვა და მეტად მიენდოს ინტუიციას. ჰქონდეს საკუთარი თავის იმედი და რწმენა. სადაც საჭიროა, გამოავლინოს ორგანიზატორული და ლიდერული თვისებები, იყოს მებრძოლი სულისკვეთების, პატრიოტი და სამშობლოს ემსახუროს ერთგულად. ასევე, უნდა დაიცვას ტრადიციები, დაამყაროს სტაბილური სანათესაო და სამეგობრო ოჯახური კავშირები. იყოს მეტად მშვიდი, ჰარმონიული. ეს ცხოვრებაში წარმატებებს მოუტანს და კარმულ მისიასაც შეასრულებს. პროფესიებიდან მისთვის კარგია და წარმატებების მომტანი: რეანიმატოლოგია, ქირურგია, სტომატოლოგია, გინეკოლოგია, პედიატრია, ფსიქიატრია, არატრადიციული მედიცინა; ფილოსოფია, ფსიქოლოგია, სამართალდამცავი ორგანოები, სამხედრო სტრუქტურები, საგამომძიებლო სფერო, მაკონტროლებელი ორგანოები, საგადასახადო ინსპექცია, კონტროლის პალატა, პედაგოგიური სფერო, პოეზია, ლიტერატურა, ხელოვნების ფართო სპექტრი, ისტორია, არქეოლოგია და ეთნოგრაფია.

კითხვა: დავიბადე 1997 წლის 25 დეკემბერს, დილის 7 საათსა და 36 წუთზე. გთხოვთ, მითხრათ, ასტროლოგიური კუთხით, რომელი პროფესიებია ჩემთვის უფრო მისაღები?

პასუხი: თქვენთვის წარმატების მომტანი პროფესიებია: სახელმწიფო ზემაღალ ეშელონებში ადმინისტრაციული საქმე, მანქანათმშენებლობა, საინჟინრო, სამეცნიერო-კვლევითი საქმიანობა, ტექნიკა-მექანიკის, საკონსტრუქტორო, საგამომგონებლო სფერო და ფსიქოთერაპიის ფართო სპექტრი.

კითხვა: დავიბადე 2003 წლის 18 აპრილს, გამთენიისას 6 საათსა და 2 წუთზე. მინდა, უცხოეთში სწავლის გაგრძელება, რომელ ქვეყანას მირჩევთ?

პასუხი: თქვენი კარმული მისია უკავშირდება უცხოეთს. ამიტომ, აუცილებელია, წახვიდეთ და იქ მიღებული ცოდნითა და დაგროვილი კაპიტალით წინ წაიწიოთ. ქვეყნებიდან კი კარგია: იტალია, არგენტინა, ჩინეთი, ტიბეტი, ესპანეთი, სან-მარინო, მონაკო, ლატვია, ჰავაის კუნძულები, ავსტრია, ავსტრალია, საფრანგეთის სამხრეთი ნაწილი, სლოვენია, სერბეთი, პორტუგალია.