რომელი პერიოდია საშიში და სახიფათო წონაში დაკლებისთვის

უმჯობესია, დიეტა ახალი მთვარის მეექვსე, მეცამეტე, მეოცე და ოცდამეშვიდე დღეს დაიცვათ. აუცილებელია, ყურადღება მიაქციოთ მთვარის ფაზებს, იკვებოთ სწორად და ასევე, სწორად დაგეგმოთ წონის დასაკლებად შერჩეული დღეები. ნებისმიერმა ადამიანმა მრავალფეროვანი საკვები უნდა ჭამოს, თანაც, მკაცრად განსაზღვრულ საათებში. ზოგადად, დიეტის დაცვა კარგია ხუთშაბათს. თუ ეს გიჭირთ, შეეცადეთ, საჭმლის მიღებისგან საღამოს საათებში მაინც შეიკავოთ თავი. ზედმეტი წონა იმაზეცაა დამოკიდებული, თუ რა გარემოში გიწევთ უმეტესი დროის გატარება მთელი დღის განმავლობაში. შეამოწმეთ, ხომ არ ცხოვრობთ ან მუშაობთ გეოპათოგენურ ზონაში, სამუშაო მაგიდა კედლის კუთხისკენ ზედმეტად ხომ არ არის მიმართული. თუ ასეა, მაშინ, აუცილებლად უნდა შეცვალოთ ინტერიერი და ამით წონის პრობლემასაც ადვილად დაარეგულირებთ.

თუ გსურთ, ადვილად და ჯანმრთელობის დაუზიანებლად დაიკლოთ წონაში, აუცილებლად უნდა მიაქციოთ ყურადღება თქვენი სისხლის ჯგუფს.

* პირველი ჯგუფის სისხლის მქონეებმა მიირთვით საქონლის, ცხვრის ხორცი და ღვიძლი, ნაკლებად – ღორის ხორცი. ასევე, აუცილებელია თევზი და ზღვის პროდუქტები. უკეთესი იქნება, თუ რაციონში მეტ ხილსა და ბოსტნეულს შეიტანთ. ძალიან სასარგებლოა ანანასი. მიიღეთ მხოლოდ ჭვავის პური და ისიც შეზღუდული რაოდენობით. სასმელებიდან უმჯობესია მწვანე ან მცენარეული ჩაი, მაგალითად, მოცვის ან პიტნის. ვიტამინებიდან ყველაზე სასარგებლოა B და K ჯგუფის ვიტამინები. არ უნდა მიირთვათ ბევრი ბურღულეული, განსაკუთრებით შვრია. უნდა მოერიდოთ კომბოსტოს. გამონაკლისია ბროკოლი. კარგი იქნება, თუ სპორტის აქტიური სახეობებით დაკავდებით.

* მეორე ჯგუფის სისხლის მქონე ადამიანებმა ეცადეთ, სრულიად გამორიცხოთ ხორცი და გადახვიდეთ ვეგეტარიანულ კვებაზე. გამოიყენეთ სოიის პროდუქტები – სოიის რძე, სოიის ხაჭო. შეგიძლიათ, მიირთვათ ნებისმიერი ბურღულეული, ხორბლის გარდა. აკრძალულია ფორთოხალი, მანდარინი, ბანანი და ქოქოსი. რეკომენდებულია სტაფილოს, ანანასის, გრეიპფრუტისა და ალუბლის წვენები. თევზის სახეობებიდან არ არის რეკომენდებული კამბალა, ქაშაყი, ასევე, ზღვის პროდუქტები. შეიძლება, ყავა, მწვანე ჩაი, წითელი ღვინო, ზეთისხილი. კარგია B, C, E ვიტამინები, ასევე, კალციუმი, რკინა, სელენი. რეკომენდებულია მშვიდი ვარჯიშები, მაგალითად, იოგა.

* მესამე ჯგუფის სისხლის მქონეებმა უნდა მიირთვათ ხბოს ხორცი, თევზი, რძემჟავა პროდუქტები, ხილ-ბოსტნეული. ნაკლებად რეკომენდებულია სიმინდი, პომიდორი, ზეთისხილი, ქოქოსი, გოგრა. სასურველია მწვანე და ნებისმიერი ბალახეული ჩაის მიღება. თქვენი ორგანიზმისთვის აუცილებელია ვიტამინები და მაგნიუმი. ფიზიკური ვარჯიშები, რაც ხელს შეუწყობს ფიზიკურ და ფსიქიკურ ბალანსს. რაციონიდან ამოიღეთ: სიმინდი, ოსპი, არაქისი, წიწიბურა, ხორბალი, პომიდორი და ღორის ხორცი.

* მეოთხე ჯგუფის სისხლის ადამიანებისთვის კარგია ცხვრის, კურდღლისა და ინდაურის ხორცი. სასურველია რძემჟავა პროდუქტები და უცხიმო ყველი. მიირთვით ნებისმიერი ბურღული, წიწიბურისა და სიმინდის გარდა. კარგია ხილი და ბოსტნეული. გამორიცხეთ წიწაკა და შავი ზეთისხილი. უნდა შეიზღუდოს ხორცი, რადგან, დაბალი მჟავიანობის გამო მას ცუდად მოინელებთ.