რა ზემოქმედებას ახდენს ჩვენს ირგვლივ არსებული ნივთები

ჩვენ ირგვლივ არაფერი ხდება უბრალოდ, ყველა ქმედებაში გარკვეული კოსმიური კანონზომიერებაა ჩადებული და თუ მოვლენებს საღი გონებით დააკვირდებით, საკუთარ ბედს საფრთხეს არ შეუქმნით. „ქარის მუსიკა“, რომელიც ჩინურ მაღაზიებში იყიდება, სასურველი ნივთია ყველა ადამიანის სახლში, რადგან ის ცუდისგან გვიცავს და პოზიტიური ენერგიებით გვამარაგებს. მზადდება რკინისა და ბუმბულისგან, საკმაოდ სასიამოვნო ხმას გამოსცემს და სწორედ ამ ხმით გვიცავს ნეგატიური და ბოროტი ენერგიებისგან და ხელს უწყობს პოზიტიური ენერგიების მოზიდვას. თუ გინდათ, მან სიკეთე მოგიტანოთ, სახლის ჩრდილო-დასავლეთის ან ჩრდილოეთის მხარეს უნდა დაკიდოთ. რაც შეიძლება, ხშირად შეეხეთ მას, რომ აჟღარუნდეს, ხმა გამოსცეს და სახლში ნეგატიური ენერგია გაანეიტრალოს. თუ გსურთ, თქვენს მეგობარს ბედნიერება მიანიჭოთ, აჩუქეთ ბაყაყის სტატუეტი, რომელსაც პირში ოქროსფერი მონეტა უდევს. ის სიმდიდრისა და წარმატების მომტანია. სტატუეტი სახლის შესასვლელში, კუთხეში, კარისკენ ზურგით, იატაკზე უნდა დადოთ. ხოლო, თუ ადამიანის კარიერული წარმატება გსურთ, აჩუქეთ სპილოს სტატუეტი – ის ოჯახში სიმდიდრეს შემოიტანს. სპილო ბიზნესის დამცველად მიიჩნევა და კარგია, თუ საქმიანი ადამიანი მის სტატუეტს სამუშაო მაგიდაზე დადგამს. ოღონდ, დააკვირდით, სპილოს ხორთუმი მაღლა უნდა ჰქონდეს აწეული.

არ აჩუქოთ ადამიანს სარკე, ცხვირსახოცი და საპონი, თუ არ გსურთ მასთან კამათი მოგივიდეთ და ეს თქვენი დაშორების მიზეზი გახდეს.