კვირის პროგნოზი 14-20 აპრილი
ავტორი: „თბილისელები“ 10:00 14.04
კვირის ასტროლოგიური პროგნოზი „თბილისელებისგან“ 👇
ვერძი ♈
გაიზრდება შემოქმედებითი მონაცემები. მეტად კომუნიკაბელური, თავდაჯერებული და ქმედითუნარიანი გახდებით. ადვილად გაართმევთ თავს სირთულეებს. გაიზრდება მომხიბვლელობა და ვნებიანობა.
კურო ♉
წარმატება გელით როგორც პირად ცხოვრებაში, ასევე საქმიან ურთიერთობებში. თუ გამოიყენებთ ხელსაყრელ მომენტს, კარიერაში მნიშვნელოვან ნაბიჯებს გადადგამთ.
ტყუპები ♊
გაიზრდება იღბლიანობა, ფინანსურ ოპერაციებთან მიმართებით. კარგი პერიოდია ახალი ხალხის გასაცნობად, უცხოელებთან საქმიანი მოლაპარაკებების გასამართად. მეტად მომთმენი იყავით, რათა გართულებები არ მოჰყვეს სასიყვარულო ან საქორწინო ურთიერთობას.
კირჩხიბი ♋
შეამცირეთ შეხვედრები, გადაადგილებები. არ აჰყვეთ ემოციებს. წინააღმდეგ შემთხვევაში მოიმატებს აგრესია, რაც არა ერთ კავშირსა და საქმეს მიაყენებს ზიანს. საყვარელი ადამიანის ცხოვრებაში, აქტიურ მონაწილეობას ნუ მიიღებთ.
ლომი ♌
კარგი დროა, პირად ცხოვრებაში ახალი ეტაპის დასაწყებად. ადვილად გაართმევთ თავს სირთულეებს. საქორწინო ან სასიყვარულო პარტნიორის დახმარებით შეძლებთ ოჯახის უზრუნველყოფას და ზედმეტ დანახარჯებისთვის თავის არიდებას.
ქალწული ♍
გაგიჭირდებათ პროფესიული და სახლის საქმეების ერთდროულად შესრულება. იმუშავეთ ჯგუფურად, რათა გაუმკლავდეთ დასახულ ამოცანებს. პირად ცხოვრებაში მიმდინარე მოვლენები, დროულად გააკონტროლეთ.
სასწორი ♎
გაუმჯობესდება ჯანმრთელობის მდგომარეობა და განწყობა. თავდაჯერებულობას შეგმატებთ პროფესიული წარმატება. საქმეების გამო ცოტა დრო დაგრჩებათ პირადი ცხოვრებისა და დასვენებისათვის. მოერიდეთ გადამეტებულ ხარჯებს.
მორიელი ♏
თქვენი ენთუზიაზმი გადამდებად იმოქმედებს გარშემომყოფებზე. დიდ მნიშვნელობას მიანიჭებთ პირად და საქმიან პარტნიორულ ურთიერთობებს. არსებული სასიყვარულო ურთიერთობა კი, შეიძლება სწრაფად შეცვალოს ახალმა რომანმა.
მშვილდოსანი ♐
დროის მცირე მონაკვეთში ბევრი საქმის შესრულებას მოასწრებთ. სწრაფად და წარმატებით დაასრულებთ ყველა ადრე დაწყებულ პროექტს. ცხოვრებისეული გეგმების შეცვლით კი, გაგიადვილდებათ ახალი მიზნების დასახვა.
თხის რქა ♑
დინამიური და ენერგიული პერიოდია. თუ რეალისტი იქნებით, საფუძველს ჩაუყრით ახალ პროექტებსა და წამოწყებებს. მოგზაურობებისგან, სჯობს თავი შეიკავოთ. ნუ დაიწყებთ სასიყვარულო ურთიერთობას უცნობ ადამიანებთან.
მერწყული ♒
შესაძლოა მიიღოთ სერიოზული ცხოვრებისეული გადაწყვეტილება, რაც თქვენს კარიერაში და სოციალურ მდგომარეობაში ცვლილებებს გამოიწვევს. სამსახურში მოსალოდნელია დაწინაურება.
თევზები ♓
გაიზრდება თქვენი როლი ახლობლების, ოჯახის წევრებისა, მეგობრებისა და ნათესავების ცხოვრებაში. მოგიწევთ ერთდროულად არა ერთ პრობლემაზე ფიქრი და ბევრი საქმის შესრულება. მოერიდეთ ფულის უყაირათოდ ხარჯვას.
სიახლეები ამავე კატეგორიიდან
