ბრძნული აზრები

რუსო: თუ პრობლემა გაქვს, ეცადე, მოაგვარო. თუ ვერ აგვარებ, ამისგან პრობლემას ნუ შექმნი.

ოტია: ლაპარაკის სწავლას ორი წელი სჭირდება, იმას კი სად, როდის და რა ილაპარაკო – მთელი ცხოვრება.

კონფუცი: მოერიდეთ მათ, ვისაც უნდა, რომ დანაშაულის გრძნობა ჩაგინერგოთ, ვინაიდან მათი სურვილი თქვენი მართვაა.

გოეთე: მე ვარ ნაწილი იმ დიადი ძალის, ვისაც ავი სურს და კეთილს სჩადის.

ვოლტერი: ზოგჯერ შეცდომებს ვასწორებთ ჩვენ, ზოგჯერ კი შეცდომები გვასწორებენ.

ბაფეტი: არ ვღელავ იმაზე, რაც არ ვიცი. მაღელვებს ის, რაშიც დარწმუნებული ვარ, რომ ვიცი.

იოანე ოქროპირი: პატივმოყვარეობას ყოველთვის უნდა ერიდო, განსაკუთრებით კი მოწყალების გაღების დროს. ამ ავადმყოფობით მოწყლული მოწყალება მოწყალების საქმე კი აღარ არის, არამედ თავმომწონეობა და გულქვაობა.

ნეტარი ავგუსტინე: გიყვარდეს და ყოველთვის სამართლიანად მოიქცევი ისე, რომ ამას თავადაც ვერ შეამჩნევ. ეს სულიერი საწყისი გასწავლის, როგორ მოიქცე ყოველგვარ ვითარებაში.

ჭაბუა ამირეჯიბი: ადამიანი შეცდება და გაკადრებს რაღაცას. არ უნდა მოგივიდეს გული, თვარა, მან რომ თავისი შეცდომით ჩაიდინა, იმ შეცდომაზე უარესს ჩაგადენინებს წყენა და გაბრაზება.

ლინკოლნი: მტრის განადგურების საუკეთესო გზა მასთან დამეგობრებაა.

ოთარ ჭილაძე: ადამიანი მარტო არასდროს ცდება, მაგრამ, სამწუხაროდ, ყოველთვის მარტო აგებს პასუხს საერთო შეცდომებისთვის.

ტოლსტოი: გმირები საჭიროა საშიშროების დროს. სხვა დროში ისინი თავად ხდებიან საშიშნი.

სალივანი: კაცი კლდესავით ძლიერია, მაგრამ ნებისმიერ ლოდს შეიძლება გაუჩნდეს ბზარი. ქალი უფრო წყალს ჰგავს – სიცოცხლეს უზრუნველყოფს და თავისი მიზანდასახულობით შეუძლია, უმტკიცეს გრანიტსაც შეუცვალოს ფორმა.

მოემი: მხოლოდ ქალს შეუძლია, დროებით გააჩეროს დრო.