ბრძნული აზრები
ავტორი: „თბილისელები“ 18:00 16.10, 2022 წელი
პლუტარქე: რომ შეიგრძნოთ იმისი ფასი, რასაც ფლობთ, წარმოიდგინეთ, რა დაკარგეთ.
ვოვენარგი: მშიშარა ადრე თუ გვიან მაინც გიღალატებს.
ლაროშფუკო: ღალატი, ხშირ შემთხვევაში, არანაირი განზრახვით არ ხდება, არამედ სუსტი ხასიათის გამო.
ტოლსტოი: ჩვენ რაც მეტად გვიყვარს, მით მეტ შეცდომებს ვუშვებთ; რაც მეტად გვინდა ვინმესთან სიახლოვე, მით მეტი დაჟინებით ვცდილობთ მივიჯაჭვოთ; რაც მეტად გვინდა, ვინმეს ცხოვრება უნაკლო და უშეცდომო იყოს, მით მეტად ძლიერ ვიქნევთ დირიჟორის ჯოხს მისი მიმართულებით.
პიუზო: ადამიანები ზოგჯერ ერთ წინადადებაში, ერთ სიტყვაში, ერთ ქცევაში მთავრდებიან.
მონტენი: ხანდახან დანგრეული ხიდებიც მთელდება, მაგრამ ზედ გადასვლის სურვილი უკვე აღარ გაქვს.
ნაპოლეონი: მე ამქვეყნად იმისთვის კი არ მოვედი, რომ ადამიანები უკეთესნი გავხადო, არამედ იმიტომ რომ მათი სისუსტეები გამოვიყენო.
აგათა კრისტი: როცა გაიგებ, თუ რომელი წუთები იყო შენს ცხოვრებაში ყველაზე მნიშვნელოვანი, უკვე გვიან იქნება.
იოანე ოქროპირი: ის კი არ არის ცუდი, როდესაც შეურაცხყოფას გაყენებენ, არამედ ის, როდესაც შენ აწყენინებ სხვებს, ანდა, როცა წყენის ატანა არ შეგიძლია.
ამბა დოროთე: უფრთხილდით მცირედის არად მიჩნევასა და მის სიძულვილს, როგორც მცირესი და არარაობისა, რადგან ის მართლაც მცირე როდია, მისი მეშვეობით ცუდი ჩვევა გამომუშავდება.
ეფრემ ასური: ვისაც ქვის დაძვრა სურს, ზემოდან კი არა, ქვემოდან შეუყრის ბერკეტს და მაშინ ადვილად დაძრავს ქვას – ეს არის თავმდაბლობის მაგალითი.
რუსო: საყვარელ ადამიანებსა და მეგობრებს ნუ გამოსცდი, დიდი ალბათობით, ისინი ამ გამოცდას ვერ გაუძლებენ.
პუბლიუს სირიუსი: ყველაზე დიდი ბოროტება ისაა, რომელიც სიკეთედ წარმოაჩენს თავს.
ავრელიუსი: მტერს ნამდვილ სამაგიეროს გადაუხდი, თუკი მას არ დაემსგავსები.
ჰიუგო: ჭეშმარიტი სიყვარულის ნიშანი კაცისთვის მორიდებულობაა, ქალისთვის – სითამამე.
ჟვანეცკი: თქვენ ვერ ისიამოვნებთ ქალით, თუ მის გაგებას შეეცდებით.
სიახლეები ამავე კატეგორიიდან