ბრძნული აზრები
ავტორი: „თბილისელები“ 18:00 12.05
ტვენი: უფრო ადვილია, გაასულელო ხალხი, ვიდრე დაარწმუნო ისინი, რომ უკვე გაასულელეს.
ვოვენარგი: ბოროტება, რომელიც გგონია, რომ შეგრჩა, შენი შვილების გზაზე დატოვებული ბომბია.
მონტენი: თავისუფალ ადამიანს ვერავინ გამოიყენებს საკუთარი მიზნების იარაღად.
დოსტოევსკი: ვისაც სინდისი აქვს და დანაშაულს შეიგნებს, დაე, იტანჯოს, მისთვის ეს იქნება სასჯელი.
ილია: ერი, რომელიც სულ სხვის ჭკუაზე დადის, სხვისგან ითვისებს ათასგვარ სიგლახეს, დასაღუპადაა განწირული.
ჯონი დეპი: პასუხის არგაცემა, უკვე პასუხია, თან ძალიან ძლიერი.
რუსო: ჩვენ გაცილებით მოგებულნი ვიქნებოდით, ისეთები რომ ვჩანდეთ, როგორნიც სინამდვილეში ვართ, ვიდრე წარმოვაჩენდეთ იმას, რაც ნამდვილი არ არის.
ბილ შენკლი: მიზნად ცა დაისახე და ჭერს მისწვდები. დაუმიზნებ ჭერს და იატაკზე დარჩები.
კარნეგი: თუ გსურს, ბედნიერება შეინარჩუნო, უნდა გააზიარო.
იოანე კიბისაღმწერელი: თუნდაც საკუთარი თვალით იხილო ცოდვილი, მაინც ნუ განიკითხავ, რადგან ხშირად თვალებიც ცდებიან.
იოანე ოქროპირი: ღვთის სამსჯავრო ჯერ არ ყოფილა. მაშ, ნურც შენ განსჯი დროზე ადრე ნურცერთ ადამიანს. შესაძლოა, ცოდვილი გამოსწორდეს. ცუდი კი კეთილი გახდეს.
ნილოს სინელი: ნუ განიკითხავ სხვას ცოდვის გამო, არამედ საკუთარი თავი იხსენი განკითხვის ცოდვისგან.
ვოლტერი: შენთან ყოფნა შეიძლება, ბევრ ადამიანს უხაროდეს, მაგრამ შენ გარეშე რომ ცუდად გრძნობს თავს, აი, იმ ადამიანისთვის ხარ ყველაზე ძვირფასი.
ჩესტერფილდი: არ შეუსწორო უგუნურს, თორემ შეგიძულებს. შეუსწორე გონიერს და ის დაგაფასებს.
კლიუჩევსკი: ოჯახი არის იქ, სადაც კაცი ღმერთისკენ იყურება, ქალი – ქმრისკენ, შვილები კი – მშობლებისკენ.
უნამუნო: ქალი წმინდანია, რომლის გამოც სხვები ცოდვილნი ხდებიან.
მონტერლანი: ქალები იტყუებიან, რათა საკუთარი გრძნობები დამალონ, კაცები – იმიტომ, რომ აჩვენონ გრძნობები, რომლებიც არ აქვთ.
სიახლეები ამავე კატეგორიიდან