ახერხებთ თუ არა სიმშვიდის შენარჩუნებას

1. ძნელია თქვენი წონასწორობიდან გამოყვანა?

ა) ძნელია. მაშინაც არ კარგავთ სიმშვიდეს, როცა დაპირისპირებული მხარე ზღვარს სცდება და შეურაცხყოფას გაყენებთ;

ბ) წონასწორობას იშვიათად კარგავთ, მაგრამ თუ კონფლიქტი უსაშველოდ გაგრძელდა, მაშინ უკვე ღიზიანდებით;

გ) ერთ ირიბად ნათქვამ სიტყვასაც კი შეუძლია თქვენი მწყობრიდან გამოყვანა.

2. კონფლიქტის წარმოშობის მიზეზი ხშირად ხდებით?

ა) ხშირად;

ბ) იშვიათად;

გ) არასოდეს.

3. როგორ ტაქტიკას ირჩევთ მაშინ, თუ იცით, რომ მართალი არ ხართ?

ა) ცდილობთ, დააბნიოთ მოწინააღმდეგე და საუბარს სხვა მიმართულება მისცეთ;

ბ) აღარ აგრძელებთ დავას და თქვენს შეცდომას გულწრფელად აღიარებთ;

გ) მშვენივრად იცით, რომ დამნაშავე ხართ, მაგრამ დავას არ წყვეტთ, პირიქით, უფრო მეტად იმაღლებთ ხმას.

4. კონფლიქტის დროს როდისმე ჭურჭელი დაგიმსხვრევიათ?

ა) არასოდეს;

ბ) ხანდახან;

გ) თითქმის ყოველთვის.

5. კონფლიქტი ძალიან დაიძაბა, ამ დროს თქვენი მოწინააღმდეგე სრულიად მოულოდნელად ფინჯანი ყავის დალევას შემოგთავაზებთ, როგორი იქნება თქვენი რეაქცია?

ა) ინერციით კვლავ ყვირილს განაგრძობთ;

ბ) უცებ გაჩუმდებით და მოვლენების შემდგომ განვითარებას დაელოდებით;

გ) მიანიშნებთ, რომ ასეთი „დროებითი“ განმუხტვა საჭირო არ არის და ურთიერთობის გარკვევას კვლავ განაგრძობთ.

6. რამდენ ხანში ურიგდებით კონფლიქტის შემდეგ მოწინააღმდეგეს?

ა) რამდენიმე დღეში;

ბ) რამდენიმე კვირაში;

გ) რამდენიმე თვეში.

პასუხის ვარიანტები:

ა) 1 ქულა; ბ) 2 ქულა; გ) 3 ქულა.

შედეგები:

6-დან 10 ქულამდე: ისეთი ადამიანი ბრძანდებით, რომელიც საკუთარ თავზე კონტროლს არასოდეს კარგავს. კონფლიქტებში იშვიათად ებმებით, მაგრამ თუ მაინც შეიქმნა ამგვარი სიტუაცია, ცდილობთ, ბოლომდე ჩაუღრმავდეთ პრობლემას და მისი მშვიდობიანად მოგვარების გზები მოძებნოთ.

10-დან 14 ქულამდე: ზოგჯერ წონასწორობასაც კარგავთ. როგორც ნებისმიერი ნორმალური ადამიანი. ჭურჭლის მსხვრევა და ხელჩართული ბრძოლა თქვენი სამოქმედო ტაქტიკა არ არის, მაგრამ ხმამაღალი მითითებისაგან ნაკლებად იკავებთ თავს. მეტ-ნაკლებად ახერხებთ კიდეც საკუთარი თავის ხელში აყვანას.

14-დან 18 ქულამდე: ძალიან კონფლიქტური ხართ. თქვენთან ჩხუბი საშიშია. ეცადეთ თავი ხელში აიყვანოთ.