ნათელმხილველი ნანული ლალიაშვილი: ჩვენ გადავრჩებით, ისე გავივლით ამ რთულ პერიოდს, ჩვენთან ომი არ იქნება

ნანული ლალიაშვილი: მსოფლიო რთულ პერიოდს გადის, კაცობრიობა ახალი ომის საფრთხის წინაშე დგას. დღეს უკვე ძალიან რთულია მსოფლიოში მშვიდობის მიღწევა. ორი სასტიკი ომი, უდანაშაულო მსხვერპლი, ნგრევა, სიკვდილისთვის განწირული ადამიანები, ტერორიზმი, რომელიც არ ინდობს ბავშვებს, ქალებს, მოხუცებს. ეს ყველაფერი ადამიანის ღმერთთან დაშორებას, ადამიანური სახის დაკარგვას, იმ ბოროტი ძალების გააქტიურებას მოჰყვა, რომლებიც მართავენ მსოფლიოს, თუმცა ღია ასპარეზზე არ ჩანან. მათთვის ათასობით სიცოცხლე არაფრად ღირს. უფრო მეტიც, ადამიანთა გამოხშირვა და სამყაროს გამოთავისუფლებაა ამ ძალების არსი. ძალაუფლება, დაუოკებელი სიხარბე და სიმდიდრე, მსოფლიო გადანაწილებაა მიზანი, რაც მათ ამოძრავებთ და მათი მიზნების აღსრულებაში იკარგება უდანაშაულო ადამიანების სიცოცხლე.

– საინტერესოა თქვენი აზრი და პროგნოზი, ამ რთულ დროს, როგორი იქნება ჩვენი ქვეყნის მომავალი?

– ჩვენ გადავრჩებით, შევძლებთ, ისე გავიაროთ ეს რთული პერიოდი, რომ არ დავზარალდეთ. არ შეგეშინდეთ, ჩვენთან ომი არ იქნება. საქართველო გამორჩეული ბედის ქვეყანაა, იმის მიუხედავად, რომ ქვეყანაში ძალიან ბევრი პრობლემაა, ღმერთი ჩვენ არ გაგვწირავს. ჩვენს ერთ-ერთ უდიდეს გამოწვევად უცხოეთში ქართველების მასობრივი გადინება მგონია. მოვა დრო და ეს სერიოზულ პრობლემად გვექცევა. ბუნებაში არ არსებობს ცარიელი ადგილი – სიცარიელე ყოველთვის უნდა შეივსოს, მეშინია, ეს სიცარიელე სხვა ძალებმა არ დაიკავონ, ამიტომაც, განსაკუთრებული მადლობა უნდა ვუთხრათ თითოეულ ქართველს, ყველას, ვინც ჩვენი ქვეყნისთვის შრომობს და იღვწის. წელს, ზაფხულში, მთელი ორი კვირა მომიწია თბილისიდან წასვლა. გადავწყვიტე, ჩემი სამშობლოს მონატრებული კუთხეები მომენახულებინა. ბევრი სიკეთის მიუხედავად, რაც ამ დღეებმა დამიტოვა, გული დამწყდა, რომ რეგიონებში უამრავი გამოკეტილი ჭიშკარი და ჩაბნელებული სახლი ვნახე. ჩვენ უნდა შევჩერდეთ! ასე თუ გავაგრძელეთ, დაიცლება ჩვენი ოჯახები, ჩვენი სოფლები, რომელიც მართლაც უნიკალურია იმ ურთიერთობებით, რაც ჩვენ ტრადიციულად მოგვდგამს. რამდენიმე დღე გავჩერდი აჭარაში, შემდეგ კი ქუთაისსა და ზუგდიდში. დაილოცოს ჩვენი სამშობლო, მისი ლამაზი კუთხეები, მიყვარს ჩვენი ნიჭიერი, მშრომელი ხალხი. აღფრთოვანებული დავრჩი ქუთაისური კოლორიტით, იმერეთს ხომ სხვა პეწი აქვს – სილაღით, გულიანი მასპინძლობით გამორჩეული. ძალიან მიყვარს სამეგრელო. ამ კუთხისთვის დამახასიათებელი ემოციური სიყვარულით, სინათლით, ნიჭიერებით. ზუგდიდში უამრავ ინტელიგენტ, გამორჩეულ ადამიანს შევხვდი, რომლებიც ჩვენი ქვეყნის საუკეთესო მოქალაქეები არიან. ჩვენ ხომ მართლაც განსაკუთრებული ხალხი ვართ, გვიყვარს ჩვენი სამშობლო, მეზობელი, მოყვარე და მეგობარი. მთელი ახალგაზრდობა, ბავშვობის წლებში ყველა ზაფხული, კახეთში მაქვს გატარებული, რომელიც თითქოს ჩემს მშობლიურ კუთხედაც მიმაჩნია, იმდენი უანგარო სიკეთე და სიყვარული მაქვს წამოღებული ამ კუთხიდან, კეთილი, გულიანი კახელებისგან, მთელი ცხოვრება მეყო საგზლად და კიდევ მეყოფა. ჩვენს დიდ მწერალს, ჭაბუა ამირეჯიბს აქვს ნათქვამი: ბოროტება ისე ხმაურობს, ხანდახან ვფიქრობ, რომ ქვეყნად მარტო ის არის, არადა სამყაროს ჩუმი სიკეთე მართავსო. ეს მართლაც ასეა – დღევანდელ სამყაროში ისე მძლავრობს ბოროტება, ღვარძლი, შური, აგრესია, დაპირისპირება, ეს ჩუმი სიკეთე რომ არ არსებობდეს, მართლაც დაიღუპებოდა ყველაფერი. როდესაც ადამიანები გააცნობიერებენ, რომ სიცოცხლის არსი არის სიკეთე და განცდა, იყო ხიდი სხვა ადამიანისთვის, ჩვენი ცხოვრება სრულიად სხვა კალაპოტში გადავა.

– თქვენი თაობის ძალიან ბევრი ადამიანისგან მსმენია, რომ ადრე თბილისი სხვანაირი ურთიერთობებით იყო გამორჩეული.

– დიახ, მართლაც განსხვავებული იყო ადამიანების პატივისცემა, დაფასება და მოწიწება უფროსის მიმართ, ლაღი, გულწრფელი ურთიერთობები. დღეს ასე აღარაა. სამწუხაროდ, ბევრი კარგი ტრადიცია დავკარგეთ, ეს არის იმის მიზეზიც, რაც ჩვენ ირგვლივ ხდება – შვილი მამას რომ მოკლავს და შვილიშვილი ბებიას, ამას ხომ არც ახსნა აქვს და არც გონება გეყოფა ამის გასააზრებლად, ეს არის ჩიხი, რომლიდანაც აუცილებლად უნდა გამოვიდეთ. სხვა გზა, უბრალოდ, არ გვაქვს.

– თქვენთან ძალიან ბევრი ადამიანი მოდის უნიკალურ პროცედურებზე, რომლითაც ცვლით ადამიანების ცხოვრებას უკეთესობისკენ, რას გვეტყვით გამოსავალზე იმ პრობლემებიდან, რაც დღეს ძალიან მნიშვნელოვანია.

– 50 წელზე მეტია, რაც ამ პროცედურებს ვატარებ, პრობლემების იმ ვრცელ ჩამონათვალს, რაც აქვთ დღეს ადამიანებს, არც ერთ დროში არ შევხვედრივარ. გარდა საქმიანი და პირადი პრობლემებისა, როგორიც არის კარიერა, წარუმატებლობა საქმეში, ბიზნესში, ოჯახში არსებული ბზარები, ოჯახების ნგრევა, რაც ძალიან გახშირებულია, ადამიანებს აწუხებთ სხვა ტიპის პრობლემებიც, რაზეც ამ ფორმატში ვერ მოვყვები. ძალიან გააქტიურებულია შავი ძალების ზემოქმედებაც. აუცილებლად საჭიროა მათი განეიტრალება სპეციალური შელოცვებით, პროცედურებით, რომ ადამიანებმა თავი დააღწიონ სირთულეებს და ცხოვრების ახალ ეტაპებზე გადავიდნენ. ადამიანებს ყველა დროში აქვთ ინტერესი, თუ როგორი იქნება მათი მომავალი, რა პროცესები ელით წინ. აინტერესებთ პასუხები იმ შეკითხვებზე, რაც აწუხებთ. არის ბარიერები, რაც გვიკეტავს გზას წარმატებისკენ. მე ვეხმარები ადამიანებს, გადალახონ ეს ბარიერები და მიაღწიონ წარმატებას საქმეში, ბიზნესში, მოიზიდონ ბარაქა, კეთილდღეობა. უმეტეს შემთხვევებში პრობლემების მომძლავრება არასწორი ცხოვრების შედეგად ხდება. უნდა შევცვალოთ ის, რაც ხელს გვიშლის ბედნიერებასა და წინსვლაში. როდესაც ამას დამოუკიდებლად ვერ ვახერხებთ, ამ დროს საჭიროა სპეციალისტის ჩართვა. არსებობს უამრავი მეთოდი და რიტუალი, რომლითაც შესაძლებელია პრობლემების მოგვარება და დასახული მიზნების მიღწევა.

ნათელმხილველ ნანული ლალიაშვილთან დასაკავშირებლად შეგიძლიათ დარეკოთ: 5 79 70 00 57 – 5 99 07 33 22. ნანული ლალიაშვილის ოფისთან შესაძლებელია კომუნიკაცია ასევე, „ვაიბერით“ ან „ვოთსაფით“. WHATSAPP / VIBER 5 99 07 33 22.