წონაში დასაკლები და საჭმლის მონელების მოსაწესრიგებელი მაწვნის დიეტა

მაწონი ძალიან სასარგებლო პროდუქტია. ის აწესრიგებს საჭმლის მონელებას, ხელს უწყობს ზედმეტი წონის სწრაფად მოცილებას. მაწვნის დიეტას საფუძვლად უდევს დღიური რაციონის 1 800-1 200 კილოკალორიამდე შემცირება, რისთვისაც იზღუდება ან რაციონიდან გამოირიცხება ადვილად ასათვისებელი ნახშირწყლები – შაქარი, პურ-ფუნთუშეული, კარტოფილი. სასურველია, ხორცი, თევზი, რძე და რძის პროდუქტები უცხიმო მიირთვათ. არ იზღუდება ხილი და ის ბოსტნეული, რომელიც სახამებელს არ შეიცავს, მაგალითად, სალათა, კიტრი, პომიდორი, ბოლოკი, მწვანილი. წყლის ოდენობა დღე-ღამეში 1,5 ლიტრს არ უნდა აღემატებოდეს. მარილი კი – 5 გრამს დღეში და უმჯობესია, მოაყაროთ უკვე მომზადებულ კერძს. საკვები სასურველია, მიირთვათ ერთსა და იმავე დროს. დიეტა 6-დღიანია და შეგიძლიათ დაიცვათ თვეში ერთხელ ან ორჯერ.