როგორ შევინარჩუნოთ ლამაზი და ჯანსაღი ფრჩხილები

დღეს პოპულარობით სარგებლობს შილაკის გელით ფრჩხილის დაფერვა. ეს ქალბატონებს საქმესაც უიოლებს, გარკვეული დროის განმავლობაშიც არ ზიანდება და ლამაზადაც გამოიყურება. თუმცა, შილაკის გელი და ზოგადად, ფრჩხილის ლაქი, ფრჩხილს აზიანებს. ლაქის ხშირი გამოყენებისას ფრჩხილი ყვითლდება, მასზე ჩნდება მუქი ზოლები, ხდება მტვრევადი და სუსტდება. მაგრამ, თუ გსურთ, ლაქიც გამოიყენოთ, მაგრამ ჯანსაღი და ლამაზი ფრჩხილებიც შეინარჩუნოთ, გთავაზობთ რამდენიმე რჩევას:

* საკვები სოდა – ათეთრებს და აძლიერებს ფრჩხილებს. ჩაასხით ჯამში თბილი წყალი, ჩაყარეთ 1 სადილის კოვზი სოდა და ჩაალბეთ ხელები. ეს აბაზანა ხელის კანსაც უხდება, მას ნაზსა და გლუვს ხდის;

* იოდი გაყოფილი და მტვრევადი ფრჩხილების გამაგრებაში დაგეხმარებათ. ეცადეთ, თვეში ერთხელ მაინც დაასვენოთ ფრჩხილები. ნუ წაისვამთ ლაქს, ამის მაგივრად კი ღამით იოდის თხელი ფენა გადაისვით. გაიმეორეთ თვეში ორჯერ და ფრჩხილებს სიმაგრესა და სიჯანსაღეს შეუნარჩუნებთ;

* სოდის, მარილისა და იოდის აბაზანა – შეათბეთ წყალი, დაუმატეთ 1 სადილის კოვზი სოდა, 1 სადილის კოვზი მარილი და 5 წვეთი იოდი. ჩაალბეთ ხელები 15 წუთის განმავლობაში. ფრჩხილების შეფერილობა შეიცვლება, კერძოდ, გათეთრდება, გაქრება არა მარტო სიყვითლე, არამედ ლაქები და შავი ზოლებიც. ამ აბაზანის დახმარებით, მუდმივად შეინარჩუნებთ ჯანსაღ და ლამაზ ფრჩხილებს.