მოიცილეთ მუცლის არედან ცხიმი ზედმეტი დანახარჯების გარეშე

1. იკვებეთ ჯანსაღად. მუცლის არეში ცხიმის დაგროვების მთავარი პირობა არასწორად შერჩეული კვების რაციონი და სხეულის მოდუნებაა. დაიცავით უცხიმო დიეტა. დიეტა, უმეტესწილად, უნდა შეიცავდეს ხილს, ბოსტნეულს, პროტეინებს, მაგალითად, როგორიცაა ქათმის ხორცი, თევზი... და რაც შეიძლება ნაკლებ ცხიმებს. გაეცანით იმის შემადგენლობას, რასაც მიირთმევთ. მოერიდეთ ტკბილეულობას.

2. ისეირნეთ ფეხით, დაახლოებით, ორი საათი ან ირბინეთ ყოველდღე – ეს დაგეხმარებათ ზედმეტი ცხიმის დაწვაში. ივარჯიშეთ რეგულარულად და ყოველდღე. ნუ მისცემთ კუნთებს მოდუნების საშუალებას. კარგია, ყოველ დილით, ახალგაღვიძებულზე, ვარჯიში, მუცლის პრესი. ძილის დროს თქვენი ორგანიზმი იყენებს დაგროვილ ცხიმს, გაღვიძებისთანავე ვარჯიშიც დაგროვილ ცხიმს ხარჯავს. გაითვალისწინეთ, საუზმემდე ოცი წუთით ვარჯიში, საკმაოდ შედეგიანია, ღიპის დასაგდებად.

3. დალიეთ ბევრი წყალი. წყალი, ავსებს კუჭს და გიკარგავთ შიმშილის გრძნობას. კარგია დღეში, დაახლოებით, ორი-სამი ლიტრი წყალი – წონის მიხედვით. თუ ბევრს ივარჯიშებთ, წყალი ოფლის სახით, ორგანიზმიდან გამოიდევნება. ამიტომ, ვარჯიშის დროს, სითხის მიღება აუცილებელია.

4. ჭამეთ ცოტ-ცოტა და დღეში 6-ჯერ. მიიღეთ საკვები პატარა ულუფებით. შეეცადეთ, დღეში 3-ჯერ მიიღოთ ჩვეულებრივი საკვები, ხოლო, 3-ჯერ კი ორგანიზმს მსუბუქი კვება გამოუწეროთ. თუ დღის განმავლობაში, ყოველ სამ საათში მიირთმევთ, შიმშილის გრძნობაც გაქრება და მიეჩვევით მცირე ულუფებით დანაყრებას. გაცილებით ენერგიულადაც იგრძნობთ თავს და ზედმეტ ცხიმებსაც ადვილად მოიცილებთ.