კითხვა-პასუხი

პასუხი: შემოგთავაზებთ, რამდენიმე უმარტივეს და საოცრად ეფექტურ რეცეპტს. 1. შაქრის სკრაბი – მოათავსეთ ცოტა შაქარი ლამბაქზე და შეურიეთ ზეითუნის ზეთი. აურიეთ კარგად და მიღებული მასით ნაზად დაიზილეთ ტუჩები. გაიჩერეთ სკრაბი დაახლოებით 10 წუთის განმავლობაში, შემდეგ კი ჩამოიბანეთ თბილი წყლით. პროცედურის ბოლოს ჩამობანილ და შემშრალებულ ტუჩზე აუცილებლად წაისვით ჰიგიენური პომადა ან ვაზელინი. 2. თაფლის ნიღაბი – ტუჩს მეტად არბილებს და გლუვს ხდის თაფლისა და ვაზელინის კომბინაცია. გაიჩერეთ ტუჩზე აღნიშნული ნარევი 10-15 წუთით და შემდეგ თბილი წყლით მოიშორეთ. გაიმეორეთ ეს პროცედურა ერთი კვირის განმავლობაში და შედეგით ნამდვილად კმაყოფილი დარჩებით. 3. ლიმონისა და შაქრის ნიღაბი – კარგად აურიეთ ეს ორი ინგრედიენტი ერთმანეთში, დაიტანეთ ტუჩზე და გაინაწილეთ თითის წრიული მოძრაობით. შემდეგ ჩამოიბანეთ თბილი წყლით და წაისვით ჰიგიენური პომადა ან ვაზელინი.