დარიჩინის დიეტა
ავტორი: ანი რევია 10:00 09.03
გარდა იმისა, რომ დარიჩინი არომატული სანელებელია და მას კულინარიაში ხშირად იყენებენ, წონის კლების საკმაოდ ეფექტური საშუალებაცაა. ის აუმჯობესებს ადამიანის ფიზიკურ მდგომარეობას, აჩქარებს მეტაბოლიზმს, ააქტიურებს ნივთიერებათა ცვლას, წმენდს ორგანიზმს, აუმჯობესებს კუჭ-ნაწლავის ტრაქტის ფუნქციონირებას. ასევე, თრგუნავს შიმშილის გრძნობას, რაც ადვილად ახდენს ზედმეტი წონის კლებას.
გთავაზობთ, რამდენიმე ვარიანტს და რომელიც თქვენთვის სასურველია, შეგიძლიათ, 1 კვირის განმავლობაში სცადოთ.
1 ჩაის კოვზ დარიჩინს დაასხით 1 ჭიქა მდუღარე წყალი და წამოადუღეთ. როცა გაგრილდება, დაუმატეთ 1 ჩაის კოვზი თაფლი. ეს არომატული სასმელი უმჯობესია, მოამზადოთ საღამოს. მიირთვით დილით, გამოღვიძებისთანავე და დაძინებამდე ნახევარი საათით ადრე, 1 თვის განმავლობაში. დამატებითი ეფექტურობისთვის შეგიძლიათ, დაამატოთ 1 სადილის კოვზი ლიმონის წვენი.
ჯანჯაფილი, დარიჩინის მსგავსად, აქტიურად უწყობს ხელს ორგანიზმს წონის კლებაში. ჯანჯაფილის, იგივე კოჭას ფესვი, წმენდს ორგანიზმს მავნე ტოქსინებისგან. აიღეთ 1 ჩაის კოვზი დაჭრილი კოჭა და ნახევარი ჩაის კოვზი დარიჩინი, დაასხით მდუღარე წყალი. რომ გაგრილდება, დაუმატეთ 1 ჩაის კოვზი თაფლი. დატოვეთ მთელი ღამით და მიირთვით დილით, საუზმის წინ და სადილამდე ერთი საათით ადრე.
1 ჩაის კოვზ დარიჩინს და 1 ჩაის კოვზ თაფლს დაუმატეთ ნახევარი ლიტრი კეფირი და ღამის საკვები ამ სასმლით ჩაანაცვლეთ. შედეგიც არ დააყოვნებს.
სიახლეები ამავე კატეგორიიდან
