5-დღიანი დიეტა
ავტორი: ანი რევია 11:00 21.10
დაბალანსებული რაციონით, ორგანიზმისთვის კომფორტული კვების რეჟიმითა და დაბალი კალორიულობით ეს დიეტა წონაში დაკლების საუკეთესო საშუალებაა. ამისთვის 5 დღეც საკმარისია.
მთავარია, არ დაგავიწყდეთ, დღეში, სულ მცირე, 2 ლიტრი წყლის დალევა და ქვემოთ მოყვანილი ხუთდღიანი რაციონის გრამობის დაცვა.
საუზმე – 100 გრამი წიწიბურის, ჰერკულესის ან ბრინჯის ფაფა, ოღონდ მომზადებამდე 12 საათით ადრე დაალბეთ წყალში და შემდეგ, ხარშეთ 15 წუთი. ასევე, მწვანე ჩაი და 100 გრამი ნებისმიერი ხილი.
სამხარი – 200-250 გრამი ნებისმიერი ხილი.
სადილი – 150 გრამი ბოსტნეულის წვნიანი, 150-200 გრამი ბოსტნეულის სალათა და 100 გრამი ცილის შემცველი პროდუქტი (თევზი, ხორცი, კვერცხი, ზღვის პროდუქტები).
ვახშამი – 100 გრამი ხაჭოს დესერტი კენკრით და ხილის წვენი ან ხილისა და ბოსტნეულის სალათა 1 კოვზი არაჟნით ან ნაღებით.
დაძინებამდე სამი საათით ადრე მიიღეთ ცილის შემცველი ის პროდუქტი, რომელიც უკვე მიირთვით დღის განმავლობაში.
სიახლეები ამავე კატეგორიიდან