ცხენის წაბლის გასაოცარი თვისებები

1. სისხლძარღვების გამაძლიერებელი მოქმედება – ცხენის წაბლი შეიცავს ნივთიერებას – ესცინს, რომელიც ამაგრებს ვენებისა და კაპილარების კედლებს, ამცირებს მათ გამტარობას და ხელს უშლის შეშუპებას. ამიტომ იგი ხშირად გამოიყენება ვენების ვარიკოზის, თრომბოფლებიტისა და ქრონიკული ვენური უკმარისობის დროს.

2. ანთების საწინააღმდეგო ეფექტი – წაბლს აქვს ანთების შემამცირებელი მოქმედება, რაც სასარგებლოა სახსრების ტკივილის, რევმატიზმისა და ტრავმების შემდგომი შეშუპებისას (განსაკუთრებით გარე გამოყენებისას).

3. სისხლის მიმოქცევის გაუმჯობესება – აუმჯობესებს სისხლის ნაკადს, ამცირებს სისხლის შედედების რისკს და ხელს უწყობს ქსოვილების ჟანგბადით უკეთ მომარაგებას.

4. ანტიოქსიდანტური თვისებები – საკვები წაბლი მდიდარია ფლავონოიდებითა და პოლიფენოლებით, რომლებიც ებრძვიან თავისუფალ რადიკალებს და ანელებენ უჯრედების დაბერების პროცესს.

5. საჭმლის მომნელებელი სისტემის მხარდაჭერა – საკვები წაბლი შეიცავს ბოჭკოს, რომელიც აუმჯობესებს ნაწლავების მუშაობას, ხელს უწყობს მონელებას და ამცირებს ყაბზობის რისკს.

6. ენერგიის წყარო და ზოგადი გამამაგრებელი მოქმედება – წაბლი მდიდარია რთული ნახშირწყლებით, ვიტამინებით (B ჯგუფი, C) და მინერალებით (კალიუმი, მაგნიუმი), რაც ორგანიზმს აძლევს ენერგიას და აძლიერებს საერთო ტონუსს.

გახსოვდეთ: ცხენის წაბლი შიდა გამოყენებისთვის არ მიიღოთ თვითნებურად – მისი პრეპარატები მხოლოდ ექიმის რეკომენდაციით მიიღება, რადგან არასწორმა დოზირებამ შესაძლოა, გვერდითი მოვლენები გამოიწვიოს.

წაბლის ხალხური რეცეპტები

1. ცხენის წაბლის ნაყენი ვენებისთვის – ვარიკოზი, სიმძიმე ფეხებში, შეშუპება: 5–6 ცალი ცხენის წაბლის ნაყოფი დაჭერით, დაასხით 0.5 ლიტრი არაყი ან 40%-იანი სპირტი, შეინახეთ ბნელ, გრილ ადგილას 10-14 დღე (ყოველდღე შეანჯღრიეა). გადაწურეთ და შეიზილეთ ფეხებზე ზემოდან ქვემოთ.

2. ცხენის წაბლის მალამო სახსრებისთვის – რევმატიზმი, სახსრების ტკივილი, კუნთების დაჭიმულობა: დაქუცმაცებული ცხენის წაბლი აურიეთ ღორის ქონში ან ვაზელინში (1:3). დადგით ორთქლზე 1 საათის განმავლობაში. გააცივეთ და მოათავსეთ მაცივარში. შეიზილეთ მტკივან ადგილას დღეში 1-2 ჯერ

3. საკვები წაბლის ნახარში იმუნიტეტისთვის – სისუსტე, დაღლილობა, მონელების გაუმჯობესება. მომზადება: 5-6 ცალი მოხარშული ან გამომცხვარი წაბლი დააქუცმაცეთ და დაასხით 300 მილილიტრი წყალი. ადუღეთ დაბალ ცეცხლზე 10 წუთის განმავლობაში. მიიღეთ 1 ჭიქა დღეში ერთხელ.

4. საკვები წაბლი ანემიისა და ენერგიისთვის: მიირთვით მოხარშული ან გამომცხვარი წაბლი კვირაში 2-3-ჯერ, საკვებთან ერთად. განსაკუთრებით სასარგებლოა ბავშვებისთვის, მოხუცებისთვის და ფიზიკური დატვირთვისას.

მნიშვნელოვანი გაფრთხილება!

ცხენის წაბლი არ არის საკვები.

ორსულობის, სისხლის შედედების პრობლემებისა და ქრონიკული დაავადებების დროს აუცილებელია ექიმთან კონსულტაცია.