როგორ ვუმკურნალოთ კისრის გაშეშებას სახლის პირობებში

გავრცელებული მიზეზები:

კუნთების დაჭიმულობა ან სპაზმი:

* ყველაზე ხშირი მიზეზია არასწორ პოზაში ძილი;

* ხანგრძლივი ჯდომა ცუდ პოზაში – განსაკუთრებით კომპიუტერთან მუშაობისას ან მანქანის მართვისას, როცა კისერი დაძაბულ მდგომარეობაშია;

* მობილური ტელეფონის ხანგრძლივი გამოყენება – როდესაც თავი დახრილია (რაც კისრის ლორდოზის გასწორებას და ხერხემლის დატვირთვას იწვევს);

* უეცარი უხერხული მოძრაობა – მაგალითად, თავის მკვეთრი მობრუნება;

* მძიმე საგნების აწევა;

* ტრავმა – ავარიის, დაცემის ან სპორტული დაზიანების შედეგად მიღებული ტრავმები, რამაც შესაძლოა, გამოიწვიოს კისრის კუნთების და ლიგატების გადაჭიმვა (კისრის დაჭიმვა);

* სტრესი და ნერვული დაძაბულობა – ქრონიკული სტრესის, შფოთვის ან ემოციური დაძაბულობის დროს, კისრისა და მხრის კუნთები მუდმივად დაძაბულია, რაც იწვევს ტკივილსა და გაშეშებას;

* გაციება (მიოზიტი) – ძალიან დაბალმა ტემპერატურამ ან ქარმა შეიძლება გამოიწვიოს კუნთების ანთება (მიოზიტი), რაც მწვავე ტკივილითა და თავის მობრუნების გაძნელებით ვლინდება.

* სამედიცინო მიზეზები – უფრო სერიოზული და ხშირად ქრონიკული მიზეზები შეიძლება იყოს:

* ოსტეოქონდროზი (მარილების დაგროვება) – ხერხემლის დეგენერაციული ცვლილებები;

* ხერხემლის დისკის პრობლემები – კისრის თიაქარი (დისკოს თიაქარი) ან პროტრუზია: მალთაშუა დისკოს დაზიანება, რომელიც აღიზიანებს ნერვულ ფესვებს ან ზურგის ტვინზე ზეწოლას ახდენს. ამას ხშირად ახლავს ხელების დაბუჟება ან სისუსტე;

* ართრიტი: მაგალითად, რევმატოიდული ართრიტი, რომელმაც შეიძლება, გამოიწვიოს სახსრების გაცვეთა;

* ნერვის კომპრესია (მოჭყლეტა) – სხვადასხვა მიზეზით გამოწვეული ნერვული ფესვების გაღიზიანება ან შეკუმშვა;

* ინფექციები ან დაავადებები: მენინგიტი (თავის ტვინის ლორწოვანი გარსების ინფექცია), სიმსივნე. თუ კისრის გაშეშება გრძელდება რამდენიმე დღეზე მეტ ხანს, მკვეთრად ძლიერდება, თან ახლავს ხელების დაბუჟება/სისუსტე, ძლიერი თავის ტკივილი/თავბრუსხვევა ან ცხელება, აუცილებელია, მიმართოთ ექიმს (ნევროლოგს ან ნეიროქირურგს) ზუსტი დიაგნოზისა და შესაბამისი მკურნალობისთვის.

რჩევები კისრის გაშეშების შესამსუბუქებლად სახლის პირობებში, თუ სიმპტომები მსუბუქია: სითბო და სიცივე ეს მეთოდი დაზიანების სიმძიმის ან ხანგრძლივობის მიხედვით იცვლება: პირველი 48 საათი (მწვავე ტკივილი): გამოიყენეთ ყინულის კომპრესი (მოთავსებული პირსახოცში), რათა შეამციროთ ანთება და ტკივილი. დაიდეთ 15-20 წუთით, რამდენიმე საათში ერთხელ. 48 საათის შემდეგ: 15-20 წუთის განმავლობაში გამოიყენეთ სველი სითბო (ცხელი აბაზანა, თბილი შხაპი, ელექტრო გამაცხელებელი ბალიში ან ცხელი კომპრესი). სითბო ადუნებს კუნთებს, აუმჯობესებს სისხლის მიმოქცევას და ხსნის სპაზმს.

ადგილობრივი მალამოები/გელები: მენთოლის, ქაფურის ან სხვა დამამშვიდებელი კომპონენტების შემცველ გელებს შეუძლიათ დროებით შეამციროს ტკივილი და კუნთების დაჭიმულობა.

* მსუბუქი აქტივობა და პოზა – ეცადეთ ნელა და ფრთხილად ამოძრაოთ კისერი, რათა თავიდან აიცილოთ სრული გაშეშება. მოერიდეთ მკვეთრ და მტკივნეულ მოძრაობებს;

• ძილის პოზა – გამოიყენეთ ორთოპედიული ან მყარი ბალიში, რომელიც უზრუნველყოფს კისრის ბუნებრივ მდგომარეობას. ნუ გამოიყენებთ ძალიან მაღალ ან მყარ ბალიშს;

* პაუზები მუშაობისას: თუ დიდხანს ზიხართ კომპიუტერთან, ყოველ 30-60 წუთში შეისვენეთ და გააკეთეთ მსუბუქი ვარჯიშები მხრებისა და კისრისთვის.

მასაჟი და ვარჯიშები

* კისრის მასაჟზი – მსუბუქი, ნაზი მასაჟი დაჭიმულ ადგილებში ხელს შეუწყობს კუნთების მოდუნებას;

* მსუბუქი გაწელვები – ნელა და ფრთხილად გაწელეთ კისერი. მაგალითად, ნელა დახარეთ თავი მარჯვნივ და ყურით შეეხეთ მხარს და გააჩერეთ 15-30 წამი. იგივე გაიმეორეთ მარცხენა მხარეს.

გახსოვდეთ: თუ კისრის ტკივილი გრძელდება ერთ კვირაზე მეტ ხანს, ძლიერდება, თან ახლავს სიცხე, თავის ტკივილი, ხელების დაბუჟება ან სისუსტე, აუცილებლად მიმართეთ ექიმს.