ქუსლის ძვლის წანაზარდი
ავტორი: ქეთი კაპანაძე 14:00 06.01, 2022 წელი
ეს ის დაავადებაა, რომელსაც ახასიათებს ქუსლის ძვალზე წანაზარდის გაჩენა, რომლის ზომა შეიძლება იყოს 2-3 მილიმეტრიდან 1-2 სანტიმეტრამდე.
დაავადების გამომწვევი ძირითადი მიზეზებია:
* ბრტყელტერფიანობა;
* ჭარბი წონა;
* მოუხერხებელი და ვიწრო ფეხსაცმელი;
* ქუსლის ძვლის ტრავმები;
* წელის ოსტეოქონდროზი;
* მსხვილი სახსრების დაავადებები;
* სისხლის მიმოქცევის დარღვევა;
* ნივთიერებათა ცვლის დარღვევა.
სიმპტომები
* დგომისა და სიარულისას ტერფის ძლიერი ტკივილი;
* დასვენებისა და ძილის შემდეგ მწვავე ტკივილი;
* საღამოს პერიოდში ტკივილის გამწვავება.
დიაგნოსტიკა
დაავადების დიაგნოსტიკისთვის აუცილებელია ორთოპედის კონსულტაცია. ტარდება:
* სისხლის საერთო ბიოქიმიური ანალიზი;
* ფიზიკური დათვალიერება;
* ქუსლის რენტგენი;
* ტერფის მაგნიტო-რეზონანსულ გამოკვლევა.
მკურნალობა
* მასაჟი;
* სამკურნალო ფიზკულტურა;
* ფეხებისთვის განკუთვნილი თბილი აბაზანები;
* ფიზიოთერაპია;
* ორთოპედიული საფენების გამოყენება;
* შოკურ-ტალღური თერაპია;
* მედიკამენტური ბლოკადები;
* ოპერატიული ჩარევა.
საშიშროება
დაავადების გართულებამ შეიძლება, გამოიწვიოს კოჭლობა და დამოუკიდებლად გადაადგილების შეუძლებლობა.
რისკის ჯგუფი
* ქალები 40 წელს ზემოთ;
* ბრტყელტერფიანები;
* ჭარბწონიანები;
* სპორტსმენები;
* ნივთიერებათა ცვლის დარღვევის პრობლემების მქონე პირები;
* ქუსლის ძვლის ტრავმების მქონე პირები.
პროფილაქტიკა
რეკომენდებულია:
* სახსრების, ხერხემლის, ბრტყელტერფიანობის დროული მკურნალობა;
* ტერფებზე დიდი დატვირთვის არიდება;
* ორთოპედიული საფენებით ფეხსაცმლის ტარება;
* ფეხების ვარჯიშის შესრულება.
სიახლეები ამავე კატეგორიიდან