ექიმის რჩევები

პასუხი: თანმიმდევრული გამოკვლევების დასაგეგმად ნევროლოგს უნდა მიმართოთ, შესაძლოა, საჭირო იყოს ყელ-ყურის ექიმის კონსულტაციაც. მიზეზი შესაძლოა, იყოს მაღალი ან დაბალი არტერიული წნევა (გაიკონტროლეთ), ანემია, ხერხემლის კისრის ნაწილის პათოლოგია, თავის ტვინის სისხლძარღვთა პათოლოგია, ყურის დაავადებები და ასე შემდეგ.

კითხვა: ბრტყელტერფიანობა გენეტიკურია? რამდენად არის შანსი, შვილს ჰქონდეს? აქვს მამაკაცს.

პასუხი: დეფორმაციის გადაცემის მემკვიდრეობითი წინასწარგანწყობა არსებობს, მაგრამ როცა ასეთი რისკ-ფაქტორია, ადრეული ასაკიდანვე იწყება ზრუნვა, რომ პათოლოგია არ ჩამოყალიბდეს.

კითხვა: სტრიდორი ბავშვებში არის თუ არა ცრუ კრუპის განვითარების რისკ-ფაქტორი?

პასუხი: არ არის რისკ-ფაქტორი, ანუ სტრიდორი არ არის წინაპირობა იმისა, რომ ყველა შემთხვევაში ცრუ კრუპი განვითარდება. თუმცა, ცრუ კრუპის განვითარების შემთხვევაში., სასწრაფო დახმარების მოსვლამდე, ყველა დედას უნდა შეეძლოს პირველი დახმარების აღმოჩენა.

კითხვა: როგორ შეიძლება, ვუმკურნალოთ რეინოს სინდრომს, არსებობს თუ არა განკურნების შანსი?

პასუხი: რეინოს დაავადების შემთხვევათა ნახევარში პროცესი უკუვითარდება და რამდენიმე წელიწადში დაავადების ნიშნები სრულიად ქრება. მედიკამენტური თერაპია რეინოს დაავადების დროს წლობით გრძელდება. კონსერვატიული მკურნალობის უეფექტობის შემთხვევაში ტარდება სიმპათექტომია. მკურნალობისთვის ანგიოლოგს უნდა მიმართოთ.