ექიმის რჩევები

პასუხი: ასეთი პაციენტები საჭიროებენ მონიტორინგს, ექიმი ეცდება, დაადგინოს D ვიტამინის მიმართ მგრძნობელობის გაზრდის მიზეზი. მიზეზის გამოვლენის შემდეგ ხდება მისი აღმოფხვრა. D ვიტამინის მიმართ მგრძნობელობა იზრდება: სამშობიარო ტრავმის, ჰიპოქსიის (ჟანგბადის ნაკლებობის) შედეგად; კუჭ-ნაწლავის ტრაქტის დისფუნქციის, მძიმე დისტროფიის დროს; სრულფასოვანი ცილის, A, C, B ჯგუფის ვიტამინების დეფიციტის; დაუბალანსებელი რაციონის დროს…

კითხვა: როგორ ხდება, რომ წყურვილს მიკლავს უბრალოდ, უმარილოდ, უცხიმოდ მოხარშული კარტოფილი, ასევე, ბანანი?

პასუხი: ხომ არ გაქვთ კალიუმის დეფიციტი? გაიკეთეთ ანალიზი.

კითხვა: მაინტერესებს მოქმედებს თუ არა წნევასა და გულისცემაზე ყვითელი ყვავილი?

პასუხი: სანელებლად გამოყენებული ყვითელი ყვავილი არც არტერიული წნევის ცვლილებას და არც არითმიის პროვოცირებას არ იწვევს.

კითხვა: ვარ 23 წლის, საშარდე სისტემის ექოსკოპიაზე ასეთი რამ დამიწერეს: დუგლასის ფოსოში ისახება მცირე ოდენობით თავისუფალი სითხე. მარცხენა საკვერცხეში ისახება სოლიდური კომპონენტების შემცველი ცისტა ზომით 35X29 მილიმეტრი. აუცილებელია თუ არა სპეციალისტებთან ვიზიტი?

პასუხი: საკვერცხის კისტის გამო უნდა მიმართოთ გინეკოლოგს.

კითხვა: პროფილაქტიკისთვის ბავშვს მინდა, მივცე ომეგა 3, რადგან თევზეულს საერთოდ არ ჭამს. რა უნდა გავითვალისწინო?

პასუხი: არის ომეგა 3-ის საბავშვო ფორმულა, რომლის მიცემა დასაშვებია 2 წლის ასაკიდან. უკუჩვენება: პრეპარატის კომპონენტების მიმართ ინდივიდუალური აუტანლობა. ფენილკეტონურია, რიგი ქრონიკული პათოლოგიები. ასე რომ, თუ არის შესაბამისი ჩვენება და ბავშვს პრეპარატის მიღების უკუჩვენება არ აღენიშნება, შეგიძლიათ, მისცეთ.

რუბრიკას უძღვება ოჯახის ექიმი

მაია ნუცუბიძე