რამე ხომ არ გიჭირთ?

„შერატონში“ დავბინავდით. თამაზი და დათო ერთ ნომერში ცხოვრობდნენ. თამაზმა დილის შხაპი მიიღო, გამოვიდა, ფანჯარა გააღო, ჩიტების ჭიკჭიკს უსმენს და ნებივრობს. შემდეგ დათო შევიდა შხაპის მისაღებად. 3 წუთის შემდეგ ზარია. თამაზი კარს აღებს. ზღურბლზე ექთანი დგას და ეკითხება: რამე ხომ არ გიჭირთო. თამაზმა, – არაო და ექთანი წავიდა. 2 წუთის მერე ისევ ზარია: უკვე ორი ადამიანია „დიდი აპტეჩკით“, კითხულობენ: რამე ხომ არ გიჭირთო. არაო და მიდიან. კიდევ 2 წუთის შემდეგ უკვე საკაცით მოვიდნენ და თამაზს ეკითხებიან: სააბაზანოში ხომ არავინააო. კი, ჩემი მეგობარიაო, – უთხრა თამაზმა. თურმე, დათო ბანაობისას „ემერჯენსის“ გამოსაძახებელ თოკს დროდადრო ჩამოქაჩავდა და ასე არბენინა სასტუმროს მედპერსონალი ზემოთ-ქვემოთ“.