ბოყინის მიზეზი და პროფილაქტიკა

მსგავსი მოვლენა ფიზიოლოგიურ ნორმად მიიჩნევა, თუ ადგილი აქვს ერთეულ შემთხვევებს, ისიც – დიდი ოდენობის ან სწრაფად და არასათანადოდ დაღეჭილი საკვების მიღების დროს, მაგრამ თუ ბოყინი რეგულარულია, თავს იჩენს ნებისმიერი საკვების მიღების შემდგომ ან ცარიელ კუჭზე და მუდამ შემაწუხებელი სუნი აქვს, კუჭ-ნაწლავის ტრაქტის დაავადება უნდა ვივარაუდოთ.

მნიშვნელოვანია მოერიდოთ ისეთი საკვების მიღებას, რომლებიც პროვოცირებას უწევენ ამ სიმპტომს. ზოგიერთი საკვები რთულ ნახშირწყლებს შეიცავს და გადამუშავებისთვის დიდ დროს მოითხოვს. ასეთი შეიძლება, იყოს: თეთრი კომბოსტო, ბროკოლი, პარკოსნები და გაზირებული სასმელი. ხშირად ისინი კუჭში გაზების წარმოქმნის მიზეზები ხდება, შედეგად კი ხშირ ბოყინს იწვევს. თუმცა,, ეს არ ნიშნავს, რომ ამ ტიპის პროდუქტების მიღებაზე უარი უნდა ვთქვათ, უბრალოდ, ზომიერად უნდა მივირთვათ.

მკურნალობა განისაზღვრება გამომწვევი ფაქტორების მიხედვით. მას შემდეგ, რაც დადგინდება ბოყინის მიზეზი, მაგალითად, თუ გასტრიტის პრობლემა გამოვლინდება, ბუნებრივია, მკურნალობა ამ მიმართულებით გრძელდება.