სალათა ქათმითა და ფსტით
ავტორი: „თბილისელები“ 12:00 24.01, 2022 წელი
გემრიელი ქათმის სალათის რეცეპტი „თბილისელებისგან“ 👇
საჭირო ინგრედიენტები:
🔸 1 მოზრდილი ნაჭერი ქათმის ფილე
🔸 ნახევარი კონა მწვანე ხახვი
🔸 2 კვერცხი, 1 ცალი კიტრი
🔸 ერთი მუჭა ფსტა („ფისტაშკა“), ცოტა მაიონეზი
🔸 1 ჩაის კოვზი ზეთი
🔸 ცოტა ტკბილი წიწაკა, შავი პილპილი., მარილი – გემოვნებით.
მომზადების წესი 👩🍳
ფილე შუაში, სიბრტყეზე ჩაჭერით და ცოტა დაბეგვეთ. პერგამენტის ქაღალდს წაუსვით ზეთი. მოაყარეთ ცოტა მარილი და პილპილი. დადეთ მასზე თქვენი ფილე. ზემოდანაც მოაყარეთ ცოტა მარილი, პილპილი და წიწაკა. შეწვით ცხელ აირღუმელში ჯერ ერთი, მერე კი მეორე მხრიდან. დაჭერით მოგრძო ჩხირებად. კიტრი დაჭერით ძალიან წვრილად. 2 მოხარშული კვერცხი კი პატარა კუბებად, მწვანე ხახვი – რგოლებად. „ფსტა“ გაარჩიეთ და დააქუცმაცეთ. მოათავსეთ ყველა ინგრედიენტი თასში, მოაყარეთ ცოტა მარილი, პილპილი, მოასხით ცოტა მაიონეზი, აურიეთ და მზად არის.
გემრიელად მიირთვით!
სიახლეები ამავე კატეგორიიდან