ქათმის კატლეტი ტომატის სოუსში
ავტორი: „თბილისელები“ 12:00 21.07, 2022 წელი
გემრიელი ქათმის კატლეტის რეცეპტი ,,თბილისელებისგან" 👇
საჭირო ინგრედიენტები:
🔸 500 გრამი ქათმის ფილე
🔸 1 თავი ხახვი
🔸 3 ნაჭერი პური – „ბატონი“
🔸 1 კვერცხი, ნახევარი ჩაის კოვზი მარილი
🔸 2 სადილის კოვზი ზეთი.
ტომატის სოუსი 👩🍳
2 ცალი პომიდორი, 1 თავი ხახვი, 2 კბილი ნიორი, 1 კონა რეჰანი, 2 სადილის კოვზი კეტჩუპი, ნახევარი ჩაის კოვზი მარილი, 70 მილილიტრი წყალი, 2 სადილის კოვზი ზეთი.
მომზადების წესი: ქათმის ფილე, ხახვი და თეთრი პური გაატარეთ ხორცსაკეპში. დაუმატეთ მარილი და კვერცხი. აურიეთ ხელით კარგად და გააკეთეთ კატლეტები. შეწვით საშუალო ცეცხლზე ორივე მხრიდან.
დააბლენდერეთ კანგაცლილი პომიდორი და მწვანილი, შეურიეთ ცოტა მარილი, ზეთში მოშუშული ხახვი და ნიორი. დაუმატეთ წყალი და კეტჩუპი. ეს სოუსი მოასხით თბილ კატლეტებს. ისევ დადგით დაბალ ცეცხლზე და 15 წუთის შემდეგ მზად არის.
გემრიელად მიირთვით!
მსგავსი სიახლეები
12:00 19.05, 2022 წელი
სიახლეები ამავე კატეგორიიდან