როგორი საფულე უნდა შეარჩიოთ ზოდიაქოს ნიშნის მიხედვით

ასტროლოგიურად, ფული იმ საფულისკენ მიიზიდება მეტად, რომლის ფერი ზოდიაქოს ნიშნის სტიქიასთან ჰარმონიაშია. სწორად შერჩეული საფულე კი, პოზიტიურ ემოციებსა და ენერგეტიკას იწვევს და მისი მუდმივად გამოყენება ფინანსებს მოიზიდავს.

ვერძი – მიზანსწრაფული ვერძებისთვის შესაფერისია ოქროსფერი, მწვანე და ყავისფერი ტონების საფულე. ყურადღება უნდა შეაჩერონ სწორკუთხოვანი ფორმის, დიდ საფულეზე. ასევე, კარგი იქნება, თუ არჩეულ საფულეში თილისმას მოათავსებთ.

კურო – კუროებმა უპირატესობა უნდა მიანიჭონ უბრალო საფულეს, რომელიც თვალში საცემი არ იქნება. ამით ისინი საკუთარი ნიშნის ძლიერ ენერგეტიკას გაწმენდენ. ფულის მოზიდვა შეუძლია ბაც მწვანესა და მუქ ყავისფერ ტონებს. კურო ქალებისა და მამაკაცებისთვის იდეალურია კლატჩები და ქისები.

ტყუპები – სიცოცხლის მოყვარულ ტყუპებს იისფერი, ნაცრისფერი, მწვანე და ყვითელი საფულეები შეეფერებათ. ისინი კარგად შეეწყობა მათ ტემპერამენტს და აუცილებლად მოიზიდავს ფულს. ქალებმა ყურადღება უნდა მიაქციონ სწორხაზოვან და მომრგვალებულ ფორმებს, ხოლო მამაკაცებმა კი – კვადრატულს.

კირჩხიბი – კირჩხიბები გონივრული და ბრძენი ხალხია, თუმცა, ზედმეტად ემოციური და მგრძნობიარე. საფულე დამამშვიდებელი ელფერის უნდა შეარჩიონ, რადგან მშვიდ მდგომარეობაში მათ ფულთან დაკავშირებული პრობლემების სწრაფად გადაწყვეტა შეუძლიათ. მათთვის სასურველია თეთრი, ვერცხლისფერი, ლურჯი ფერები და ასევე, სწორხაზოვანი ფორმის საფულე.

ლომი – ენერგიული ლომებისთვის ფულის მოზიდვა სირთულე არაა, ისინი ხომ ფულის ენერგეტიკას, შეიძლება ითქვას, გრძნობენ. ამაში მათ წითელი, შავი, ყვითელი საფულეები დაეხმარება. არასდროს დაცარიელდება ამ ფერების სწორხაზოვანი და დიდი შიგთავსის მქონე საფულეები.

ქალწული – ქალწულებს ფინანსური ენერგეტიკის მოზიდვაში დაეხმარებათ ცისფერი, იისფერი და მწვანე ელფერის საფულეები. უბრალო, ლაკონური ფორმის და მკვეთრი აქცენტებით ორნამენტის ან დეკორატიული სამშვენისის სახით – ეს ყველაფერი მათ ფინანსების შენარჩუნებასა და გაზრდაში დაეხმარება.

სასწორი – ჰარმონიულ სასწორებს წინსვლისთვის მუდამ სტიმული სჭირდებათ. მათ წაადგებათ თეთრი, მწვანე, კრემისფერი და ლურჯი ფერის საფულე. სწორხაზოვანი, მრგვალი ან კვადრატული ფორმის მკვეთრი ფერის საფულეები მათ ფულის დაგროვებასა და შემოსავლების ახალი წყაროების მოძიებაში დაეხმარება.

მორიელი – მორიელები ხშირად იმყოფებიან ყურადღების ცენტრში, აქვთ ძლიერი ენერგეტიკა, მაგრამ ხშირად არიან თავშეუკავებელნი. ძლიერი ენერგიის გაწონასწორებაში მათ დაეხმარება ბორდოსფერი, ნაცრისფერი ან ყვითელი ელფერის მქონე საფულე. საფულე უნდა იყოს ტევადი, მაგრამ კომპაქტური, ამიტომ უპირატესობა ენიჭება გადასაკეც საფულეს.

მშვილდოსანი – აქტიური მშვილდოსნები ყურადღებით უნდა იყვნენ ფერების მიმართ, რომლებიც გააწონასწორებენ მათ ბობოქარ ენერგიას და დაუბრუნებენ შინაგან ჰარმონიას. მათი საფულის ფერებია ცისფერი, იისფერი, შავი. ასევე, საფულეში შეუძლიათ, მოათავსონ იღბლის თილისმა.

თხის რქა – შრომისმოყვარე თხის რქებს მოუხდება ორიგინალური შავი, მწვანე, ლურჯი საფულე, რომლის შიგნით უნდა ჩადონ მათი ზოდიაქოს ნიშნის შესაფერისი ქვა, რათა მოიზიდონ ფული და უკუაგდონ წარუმატებლობა.

მერწყული – რომანტიკულ მერწყულებს კეთილდღეობის მიღწევაში დაეხმარება ზურმუხტისფერი, თეთრი და ვერცხლისფერი საფულე. ყველაზე იღბლიანია კლასიკური დიზაინი.

თევზები – ბრძენ თევზებს მოუხდება მშვიდი ფერები: ვერცხლისფერი, ცისფერი, ნაცრისფერი, თეთრი. უპირატესობა უნდა მიენიჭოს სწორხაზოვან ფორმებს. თანხების მოსაზიდავად საფულეში, სჯობს, თევზის ფიგურა ჩადონ.