რა შეიძლება, მოჰყვეს მიცვალებულისთვის ცოცხალი ადამიანის ნივთის ჩაყოლებას და რა საფრთხეს უქმნის ჭირისუფალს გლოვის პერიოდის დიდხანს გაგრძელება

- ცხოვრებაში თუ გქონიათ შემთხვევა, როცა გიფიქრიათ, მთელ ოჯახს თითქოს რაღაც წყევლა ადევს, ჯადო აქვს გაკეთებული, ისე მიჰყვება ტრაგიკული მოვლენები ერთმანეთსო? მაგალითად, ერთ ოჯახში ჯერ ქალიშვილი გარდაიცვალა, რამდენიმე დღეში კი - დედა. ანდა მოულოდნელად, გულის შეტევით ქმარი გარდაიცვალა, ერთ წელიწადში კი, ონკოლოგიური დაავადებით, ცოლიც მის კვალს გაჰყვა, თუმცა მანამდე აბსოლუტურად ჯანმრთელი იყო. ალბათ იტყვით: რა გასაკვირია, საყვარელი ადამიანის სიკვდილი ისეთი სტრესია, ნებისმიერი დაავადების პროვოცირება შეუძლიაო... ეს სიმართლეა, მაგრამ არის შემთხვევები, რის ახსნაც მედიცინას არ ძალუძს - როდესაც ფიზიკურად ძლიერი, ჯანმრთელი ადამიანი, ფაქტობრივად, ჩვენ თვალწინ ხმება, მიუხედავად იმისა, რომ ახლად გარდაცვლილი ნათესავის მიმართ მას არანაირი მიჯაჭვულობა არ უგრძნია.

- ამის მაგალითები მართლაც ბევრია...

- ერთ საოცარ ამბავს გიამბობთ. 90-ს გადაცილებული, მძიმე ავადმყოფი ქალი რამდენიმე წელი ლოგინად იყო ჩავარდნილი და ახლობლებიც შეეგუვნენ, რომ მალე მათგან წავიდოდა... ასეც მოხდა, ბებიამ ძილში მშვიდად დატოვა ეს სამყარო. მისმა, უკვე საკმაოდ ასაკოვანმა ქალიშვილმა კი, ოქროს ჯვარი ჩამოხსნა და თავის შვილიშვილს, მოზარდ გოგონას გადასცა. თან, აცრემლებულმა დააყოლა: დედას ისე უნდოდა, შენი ყოფილიყო, დაე, ამ ჯვარმა დაგიცვასო. თუმცა ბებოს მსგავსი არაფერი ნდომებია. 10 წლის წინ გარდაცვლილი, საყვარელი ვაჟის ნაჩუქარი ჯვარი ძალიან ძვირფასი იყო მისთვის და სიცოცხლის ბოლომდე არც მოუშორებია. თან, სულ შვილთან შეხვედრას ნატრობდა რის, გამოც ჩავარდა კიდეც ლოგინად. ცალკე არც შვილიშვილს სურდა ასეთი „მემკვიდრეობის” მიღება, მაგრამ დაინახა რა, ბებია როგორ განიცდიდა დედის გარდაცვალებას, აღარ შეკამათებია. ჯვარი გამოართვა და ყუთში შეინახა. სულ რამდენიმე დღეში კი, გოგონას კოშმარები დაეწყო. ყოველ დილით დაქანცული იღვიძებდა, ძლიერ სისუსტეს გრძნობდა, თავი სტკიოდა. უნივერსიტეტში ლექციების გაცდენა დაიწყო, სამეცადინო დაუგროვდა და მეგობრებსაც იშვიათად ხვდებოდა. თითქოს ერთბაშად გაუქრა ახალგაზრდული ხალისი. გოგონას მშობლებმა განგაში ატეხეს და, საბედნიეროდ, დროულად დაადგინეს დაავადების მიზეზი. ბებიის პროტესტის მიუხედავად, ჯვარი პატრონს „დაუბრუნეს”. ახლობლებმა ის სასაფლაოზე, მიწაში იმ ადგილას ჩამარხეს, სადაც ბებიამ მარადიული განსასვენებელი ჰპოვა. ეს გახლავთ „ნეკროზული ბმა” - კავშირი ცოცხალ ადამიანსა და იმიერ სამყაროს შორის, რა დროსაც ენერგიის ძლიერი გაჟონვა ხდება, რაც ფიზიკურ დონეზე სერიოზული დაავადებებითა და დიდი უსიამოვნებებით ვლინდება.

- რა სიტუაციებს უნდა მოვერიდოთ, რომ „ნეკროზული ბმა“ არ მოხდეს?

- უპირველესად, არ გაატანოთ თქვენი ნივთები მიცვალებულს. დაკრძალვის ორგანიზება არ არის მაინცდამაინც სასიამოვნო საქმე. მწუხარებასა და გლოვას შეცდომაც ბევრი მოსდევს. დაბნეულობისა და დაუდევრობის გამო შეიძლება მიცვალებულისთვის ცოცხალი ადამიანის ნივთიც კი მიიტანოთ მორგში. მაგალითად, მამა გარდაიცვალა და დაკრძალვისთვის შვილის პერანგი გაამზადეს. ამით შვილი ძლიერ „ნეკროზულ ბმაში“ შედის მიცვალებულთან, რასაც შეიძლება ტრაგიკული შედეგი მოჰყვეს. ასევე, ნუ მიიღებთ გარდაცვლილის ნივთებს. საგვარეულო სამკაულები მესაკუთრის სიცოცხლეშივე უნდა გადაეცეს მემკვიდრეს, ან - იმ შემთხვევაში, თუ დაიბარა, რომ ნივთები მისი გარდაცვალების შემდეგ მიკუთვნებოდა კონკრეტულ პიროვნებას. თუმცა სიკვდილის დროს ნივთები პატრონისგან ცალკე უნდა ინახებოდეს, რათა უარყოფითი ენერგია მასზე არ გადავიდეს. წინააღმდეგ შემთხვევაში, ცოცხალ ადამიანს, რომელსაც მიცვალებულის ნივთი ერგო, შეიძლება გაუჩნდეს „ნეკროზული ბმა“, როგორც ეს გოგონასა და ბებიის ამბავში იყო აღწერილი. ხშირად მომაკვდავის წინაშე პირობას დებენ, რა დროსაც გაითვალიწინეთ: ისეთ რამეს ნუ დაჰპირდებით, რომელსაც ვერასდროს შეასრულებთ. ტყუილად კი არ არის, ნათქვამი: ადამიანის უკანასკნელი სურვილი კანონიაო. მაშინაც კი, თუ მომაკვდავის ნების აღსრულება გსურთ, მისდამი თანაგრძნობისა და პატივისცემის გამო, ისეთ რამეს ნუ დაჰპირდებით, რასაც შემდეგ არ შეასრულებთ. ვალდებულება ნებისმიერ შემთხვევაში უნდა აღსრულდეს, გინდათ ეს თქვენ თუ არა. რადგან მიცემული დაპირებით, თქვენ ძლიერ ენერგეტიკულ კავშირს ქმნით გარდაცვლილთან.

- რაც შეეხება გლოვას...

- მართალია, ძნელია ძვირფას ადამიანთან განშორება, მაგრამ „ნუ ჩაეჭიდებით“ გარდაცვლილს. გონება იაზრებს, რომ უნდა დაემშვიდობო და ცხოვრება გააგრძელო, მაგრამ გულს ვერ უბრძანებო, იტყვით. მაგრამ, თუ გლოვის პერიოდი ძალიან გაგრძელდა, ეს ძლიერ „ნეკროზულ ბმაზე“ მიუთითებს: როცა ცოცხალი ადამიანის ენერგია, აბობოქრებული მდინარის ტალღასავით, თან წაიღებს მის ჯანმრთელობასა და ბედნიერებას. არც დაკრძალვისთვის განკუთვნილი ფული არ უნდა გამოიყენოთ თქვენთვის. არ აქვს მნიშვნელობა, გარდაცვლილმა თავად მოაგროვა „კუბოს ფული“, თუ, როგორც ხშირად ხდება-ხოლმე, ახლობლებმა შეკრიბეს, დაკრძალვისთვის გამიზნული თანხა მხოლოდ ამისთვის უნდა დაიხარჯოს... და მაინც, თუ გაჩნდა ეს „ნეკროზული ბმა“, თქვენი ძალებით მის მოშორებას ვერ შეძლებთ - აუცილებლად სპეციალისტის დახმარება დაგჭირდებათ. კოსმოენერგეტიკის მეთოდი ანგრევს ნებისმიერ ენერგეტიკულ კავშირს და იცავს ადამიანს, რის შემდეგაც ჯანმრთელობა თანდათან უმჯობესდება: პრობლემები ქრება, აღდგენილი ძალა და ენერგია კი სრულყოფილი, ბედნიერი ცხოვრების საშუალებას იძლევა.