კვირის პროგნოზი 25 ნოემბერი – 1 დეკემბერი

ვერძი ♈

მოიმატებს სასიცოცხლო ენერგია, გაგიუმჯობესდებათ განწყობა. მოერიდეთ ფარულ მეთოდებს. კარგი დროა ახალი საქმის დაწყებისა და ადრე დაგეგმილი პროექტების განსახორციელებლად. მოგზაურობისას, ნუ მიენდობით ახალ გაცნობილ ადამიანებს.

კურო ♉

ყველა ღონე იხმარეთ, რათა არ გაგიფუჭდეთ ურთიერთობა გარშემომყოფებთან. მეტი დრო დაუთმეთ კარიერას, პროფესიონალურ საკითხებსა და ჯანმრთელობას. მოერიდეთ რისკსა და კაპიტალდაბანდებებს.

ტყუპები ♊

იდეებისა და ჩანაფიქრების რეალიზება გაგიადვილდებათ ძველი პარტნიორთა დახმარებით. კარგი დროა ახალი ნაცნობობისთვის და მოგზაურობისათვის. სასიყვარულო შეხვედრები და ურთიერთობები კი, სიამოვნებას მოგიტანთ და თავდაჯერებულობას შეგმატებთ.

კირჩხიბი ♋

მშვიდ გარემოში შეძლებთ უკეთ დაინახოთ და გააანალიზოთ მოვლენები. მატერიალური მდგომარეობის გაუმჯობესება კარიერული ზრდის სტიმული გახდება. გაიზრდება კონტაქტების რაოდენობა. საყვარელ ადამიანთან ურთიერთობა ეცადეთ მეტად გულღია გახადოთ.

ლომი ♌

სიმშვიდე და დადებითი განწყობა სტაბილური ჯანმრთელობისა და ნაყოფიერი მუშაობის საწინდარი გახდება. არსებობს კარიერაში წინსვლის ალბათობა. პირად ურთიერთობებში მოსალოდნელია სასიამოვნო ცვლილებები.

ქალწული ♍

საქმეებში წარმატება კარგი განწყობისა და სულიერი სიმშვიდის საწინდარი გახდება. რაც არ უნდა დამღლელად მოგეჩვენოთ შეხვედრები და მოლაპარაკებები, უარი არ თქვათ მათზე. ეს დაგეხმარებათ კარიერულ ზრდაში და ფინანსურ წარმატების მოპოვებაში.

სასწორი ♎

საქმიანი აქტიურობა და მიზანდასახულობა, წარმატებების საწინდარი გახდება. გაიზრდება სიცოცხლისუნარიანობაც, რის შედეგად გაუმჯობესდება განწყობა. ახლობლებთან ერთად დაწყებული ახალი პროექტები, მომავალში კარგ შემოსავალს გპირდებათ.

მორიელი ♏

წარმატება გელით შემოქმედებით სფეროში. თუ არ დაიზარებთ და გამოიყენებთ სასიკეთო შემთხვევებს, წარმატებას მიაღწევთ ფინანსურ საკითხებში. გაიფართოვეთ თვალსაწიერი, გამოიყენეთ სხვათა გამოცდილება, რათა თქვენი საქმიანობა მეტად პერსპექტიული და მომგებიანი გახდეს.

მშვილდოსანი ♐

თქვენს მომხიბვლელობას ამ პერიოდში მშვიდად გვერდს ვერავინ აუვლის, განსაკუთრებით კი საწინააღმდეგო სქესის წარმომადგენლები. საქმეში წინსვლისათვის აუცილებელი იქნება დამატებითი ცოდნის მიღება და ახლობლების დახმარება.

თხის რქა ♑

პირადი პრობლემების გამო, გაგიჭირდებათ პროფესიული საქმეების შესრულება. გადაწყვეტილებების მიღებისას, გონივრულად განსაჯეთ ყველაფერი. საქმიან პარტნიორულ ურთიერთობებში თავშეკავებული იყავით და ეცადეთ წინასწარ არ გაამხილოთ თქვენი გეგმები.

მერწყული ♒

მიზნების მიღწევაში ახლობლები დაგეხმარებიან. კარგი დროა გადაადგილებებისთვის და ახალი კავშირების დასამყარებლად. საყვარელ ადამიანთან ურთიერთობაში, ცვლილებები მოსალოდნელი არაა.

თევზები ♓

ფინანსური მდგომარეობის გაუმჯობესება დაუკავშირდება ახალ შემოთავაზებებს. ადვილად მიიზიდავთ საწინააღმდეგო სქესის წარმომადგენელთა ყურადღებას. სამსახურში ცვლილებები თქვენს მდგომარეობას გააუმჯობესებს.