კვირის პროგნოზი  21 - 27 ოქტომბერი

ვერძი ♈

ოჯახის საქმეები ხელს შეგიშლით ძირითად საქმიანობაში. საყვარელი ადამიანის ფინანსური პრობლემების გამო, მოგიწევთ მისთვის დახმარების გაწევა. მეგობრები ვერ დაგეხმარებიან თქვენი გეგმების განხორციელებაში, რის გამოც შესაძლოა ზოგიერთ მათგანთან გაგიუარესდეთ ურთიერთობა.

კურო ♉

ენერგიის მომატება სასიკეთოდ იმოქმედებს შრომისუნარიანობასა და სულიერ მდგომარეობაზე. მოერიდეთ დისკუსიებს, რათა არ დაკარგოთ დრო. გამოიყენეთ არსებული სიტუაცია საკუთარი მდგომარეობის გასაუმჯობესებლად. მოგზაურობისას ყურადღება მიაქციეთ წვრილმანებს.

ტყუპები ♊

გაიზრდება ფარულისა და საიდუმლოსადმი ინტერესი. კარგი დროა სოციალური აქტივობისთვის და საქმიანი წრის გასაფართოებლად. ქალაქგარეთ გამგზავრება შეიძლება დამღლელი აღმოჩნდეს, დამატებითი მოვალეობების შესრულების გამო.

კირჩხიბი ♋

მეტად თავდაჯერებულად იგრძნობთ თავს, თუ დამოუკიდებლად აირჩევთ სამომავლო მიზნებს. მთავარია, ყველა ქმედება კარგად აწონ-დაწონოთ. ძვირადღირებულ ნივთებს ნუ შეიძენთ. მოერიდეთ ახალი საქმის დაწყებას. სასიყვარულო და საქორწინო სფეროში ეცადეთ მეტად გულისხმიერი იყოთ.

ლომი ♌

პროფესიულ საქმეებში, რთული ამოცანები დამოუკიდებლად არ შეასრულოთ. მეტად უსმინეთ ინტუიციას. გაიზედება კონტაქტებისა და გადაადგილებების რაოდენობა. სასიყვარულო ურთიერთობების, გართობისა და დასვენებისათვის არასაკმარისი ფინანსების გამო ნუ ინერვიულებთ.

ქალწული ♍

ყურადღებით იყავით იმ ადამიანთა მიმართ, ვისთანაც მოგიწევთ ურთიერთობა, რათა არ მოტყუვდეთ. მოგზაურობებში მშვენიერ გამოცდილებას დააგროვებთ, რაც დაგეხმარებათ მომავალ საქმეებსა და დასახული მიზნების მიღწევაში. საყვარელ ადამიანთან, ეცადეთ მეტად გულისხმიერი იყოთ.

სასწორი ♎

ფინანსურ საკითხებში გაუგებრობები ან სამსახურეობრივი მოვალეობები მოდუნების საშუალებას არ მოგცემთ. ახალი კავშირები დადებითად წაადგება თქვენს კარიერას. უცხოელებთან ურთიერთობისას სიფრთხილე გმართებთ. სწრაფად დაწყებული ახალი სასიყვარულო ურთიერთობა კი, შეიძლება სწრაფადვე დასრულდეს.

მორიელი ♏

თუ მთელს დროსა და ენერგიას მიმართავთ კარიერისკენ, შესაძლოა ოჯახის წევრებისა და საყვარელი ადამიანის უკმაყოფილებას გადააწყდეთ. გადაღლამ კი, ჯანმრთელობის გაუარესება გამოიწვიოს. მოგზაურობა დამღლელი, მაგრამ ნაყოფიერი აღმოჩნდება.

მშვილდოსანი ♐

პარტნიორულ ურთიერთობებში თავდაჯერებულად იგრძნობთ თავს, თუ მანამდე დააგროვებთ საკმარის რეზერვებს, მაგრამ დაიცავთ ზომიერებას, რათა არ გაიფუჭოთ ავტორიტეტი. სასიყვარულო ურთიერთობის გაიდეალურება, ურთიერთობას განსაკუთრებულად სასიამოვნოს გახდის.

თხის რქა ♑

აქტიური პერიოდია. მოერიდეთ ხალხმრავალ ადგილებს და უსმინეთ ინტუიციას. განსაკუთრებული მოთმინება გმართებთ პირად ურთიერთობებში, რადგან დაკარგულს ვეღარ დაიბრუნებთ. ქალაქგარეთ გასვლა და ბუნებაში დასვენება კი, ადვილად გამოგიკეთებთ განწყობას.

მერწყული ♒

გუნება-განწყობის ხშირ ცვლილებებს ნუ დააბრალებთ ახლობლებს, რადგან არავინ მოისურვებს თქვენს გვერდით ყოფნასა და კრიტიკის მოსმენას. სირთულეები ელის საქმიან კავშირებს. ეცადეთ ეს დრო გამოიყენოთ ჯანმრთელობის გასაუმჯობესებლად და დასვენებისათვის.

თევზები ♓

მიუხედავად გაზრდილი თავდაჯერებულობისა, ახალ საქმეებს ნუ დაიწყებთ. ეცადეთ ყველა საქმეს ერთად არ მოჰკიდოთ ხელი. სასიყვარულო ურთიერთობებში მოსალოდნელია ინტრიგები და საიდუმლო ინფორმაციის გაგება. მოგზაურობაც კი, ჯანმრთელობის მდგომარეობის აღდგენაში დაგეხმარებათ.