კვირის პროგნოზი 2-8 თებერვალი
ავტორი: „თბილისელები“ 16:00
კვირის ასტროლოგიური პროგნოზი „თბილისელებისგან“ 👇
ვერძი ♈
ყურადღებით იყავით, რათა არ დაუშვათ შეცდომები. გაგიჭირდებათ მოლაპარაკებების ჩატარება, ამიტომ სჯობს გადადოთ. საყვარელ ადამიანთან, გულახდილი საუბრები სულიერ სიმშვიდეს შეგმატებთ.
კურო ♉
წინააღმდეგობები შეიძლება შეგიქმნან ფარულმა მტრებმა. წვრილმანი პრობლემების გამო, არ ინერვიულოთ. ფინანსური მდგომარეობის გაუმჯობესებისთვის კი, აუცილებელია არ იზარმაცოთ და დროულად გამოიყენოთ არსებული შანსები.
ტყუპები ♊
მოსალოდნელია კრიზისული სიტუაციები, რასაც სწრაფი გადაწყვეტა დასჭირდება. პირადი პრობლემების გამო, გაგიჭირდებათ მუშაობა და პროფესიული საქმეების შესრულება. კარგი დროა ქორწინებისათვის, თუმცა თქვენი კავშირი მეტად საქმიანი ხასიათის იქნება, ვიდრე რომანტიკული.
კირჩხიბი ♋
გაიზრდება თავდაჯერებულობა. სერიოზული ცვლილებებია მოსალოდნელი მეგობრულ წრეში, რაც შეიძლება აისახოს თქვენს პროფესიულ საქმიანობაზე. გააქტიურდება სასიყვარულო სფერო, თუმცა ამ დროს მეტად მგრძნობიარე და ეჭვიანი გახდებით.
ლომი ♌
წინასწარ არაფერი დაგეგმოთ, რადგან გარემოებათა გამო, შესაძლოა სულ სხვა მოვლენებს ჰქონდეს ადგილი. ქონებრივი საკითხები, წინა პლანზე წამოიწევს და ფინანსების ხარჯვას დაუკავშირდება. მოგზაურობისას სიფრთხილე გმართებთ.
ქალწული ♍
ნუ ენდობით შუამავლებს. ნურავის ნურაფერს შეჰპირდებით. სამუშაო, კმაყოფილებასაც მოგანიჭებთ და მომგებიანიც აღმოჩნდება. უცხოელებთან ურთიერთობა კი, დადებით შედეგს გამოიღებს.
სასწორი ♎
დიპლომატიის უნარი დაგეხმარებათ ურთიერთობაში. სამსახურისა და კარიერის გამო, შესაძლოა დრო არ დაგრჩეთ სასიყვარულო ურთიერთობებისათვის, რაც რჩეულის უკმაყოფილებას გამოიწვევს. არ გადაიტვირთოთ.
მორიელი ♏
რთული პერიოდია. შესაძლოა, ადრე დაშვებულმა შეცდომებმა იჩინოს თავი. სიფრთხილე გმართებთ მეგობრებთან, რათა არ გაგიფუჭდეთ ურთიერთობა ან არ აღმოჩნდეთ უსიამოვნო სიტუაციებში. საყვარელ ადამიანთან უთანხმოება კი, სჯობს დროულად მოაგვაროთ.
მშვილდოსანი ♐
ახალი ინფორმაციის გადამუშავება ან ცოდნის გაღრმავება, დადებითად წაადგება თქვენს კარიერას. მეტ ყურადღებას მოგთხოვთ ჯანმრთელობა. ოჯახის წევრებთან შეინარჩუნეთ ჰარმონიული ურთიერთობა. მოგზაურობისას, ყურადღება მიაქციეთ საბუთებს.
თხის რქა ♑
მოერიდეთ სხვების კრიტიკას. საქორწინო ურთიერთობაში, ბევრი საიდუმლო გაჩნდება. შესაძლოა გაგიჩნდეთ ფარული სასიყვარულო პარტნიორი. ყურადღება მიაქციეთ ჯანმრთელობას. შორეული მოგზაურობა, სასურველ შედეგს ვერ გამოიღებს.
მერწყული ♒
რთული დროა, როგორც საქმიან სფეროში მოღვაწეობისათვის, ასევე პირადი ურთიერთობებისათვის. აგრესია სიმშვიდით შეცვალეთ, რათა პრობლემები აიცილოთ თავიდან. მეტი დრო დაუთმეთ, ჯანმრთელობის გაუმჯობესებასა და პირადი ურთიერთობების გამოსწორებას.
თევზები ♓
დროა დაფიქრდეთ კარიერაზე, ჯანმრთელობასა და იმიჯზე. ნებისმიერ სირთულეს, ადვილად დააღწევთ თავს. კარგი პერიოდია საცხოვრებელი ადგილის შესაცვლელად, გადაადგილებებისა და უცხოებთან საურთიერთოდ. მოჭარბებული ენერგია, სჯობს ფიზიკურ ვარჯიშზე დახარჯოთ.
სიახლეები ამავე კატეგორიიდან
