დადებით და უარყოფით აზრებს მოვლენების გამოწვევის ძალა აქვს

დადებით და უარყოფით აზრებს მოვლენების გამოწვევის ძალა აქვს. თუ ნეგატიურად დაიტვირთებით, თქვენს ცხოვრებაში აუცილებლად მოხდება რაიმე ცუდი. მაგალითად, თუ ხშირად ფიქრობთ, რომ სასიყვარულო პარტნიორი გღალატობთ, ის აუცილებლად გიღალატებთ. ადამიანის ფიქრის რეალიზება რეალურად შესაძლებელია და ის კოსმოსიდან, სამყაროდან ბუმერანგივით გიბრუნდებათ. დადებითი მოვლენების მოსაზიდად აუცილებლად დადებითად უნდა იაზროვნოთ, უარყოფით აზრებს კი ყურადღებას ნუ მიაქცევთ.

ჩვენს ცხოვრებაში მომხდარ ნებისმიერ მოვლენაზე უდიდეს გავლენას ახდენს კარმა და ვიღებთ იმას, რასაც გავცემთ. კარმა ძლიერად მოქმედებს სასიყვარულო ურთიერთობაზეც. სწორედ, მასზეა დამოკიდებული, იღბლიანი და ბედნიერი იქნებით თუ არა ამ მხრივ და რამდენად გიმართლებთ ბედში. თუ სიყვარულში ბედნიერების მიღწევა გსურთ, მაშინ რაღაც-რაღაცების გათვალისწინებაც მოგიწევთ.

კარმა თქვენ მიერ წარსულში და წინა ცხოვრებაში ჩადენილ საქციელის ასახავს. ყოველდღიურ ცხოვრებაში კარგი ქმედებები და მცდელობები კარგ კარმას გვაძლევს, ცუდს კი საწინააღმდეგო, ანუ ცუდი კარმისკენ მივყავართ. როცა საქმე სასიყვარულო ურთიერთობებს ეხება, კარმის პრინციპები ცოტა უფრო რთულად აღსაქმელი ხდება. სიყვარული საკმაოდ რთული, ვნებიანი და ყველაფრის მომცველი გრძნობაა. მას შეუძლია, ყველაზე გონიერ ადამიანსაც კი დააკარგვინოს თავი და ისეთი სისულელეები ჩაადენინოს, რაც სხვისგან გაუკვირდებოდა. ამიტომ, თუ სიფრთხილე და წინდახედულება არ გამოიჩინეთ, შეიძლება, თავადაც ვერ მიხვდეთ, ისე დააზიანოთ სასიყვარულო კარმა.

სასიყვარულო კარმის დაზიანება და დანგრევა შეუძლია ტყუილს, ღალატს, შეურაცხყოფას, ეჭვიანობას. ჰარმონიულ სასიყვარულო-რომანტიკულ ურთიერთობაში მცირედი ეჭვიანობა ან რაიმე მიზეზის გამო წარმოქმნილი დანაშაულის გრძნობაც კი, საგრძნობლად აზიანებს სასიყვარულო კარმას და ის დანგრევამდე მიჰყავს. როცა წყვილის ურთიერთობაში ყველაფერი რიგზეა და უცბად შორდებიან, ეს, სწორედაც რომ, კარმის დაზიანების შედეგია.

თუ კარმის გასუფთავება გსურთ, ეცადეთ გამოასწოროთ, თუ წარსულში რაიმე ცუდი ჩაიდინეთ. თუ ამას ვერ ახერხებთ, მაშინ ამჟამინდელი პრობლემების მიზეზთა გაანალიზებით შეგიძლიათ, სწორად განაგრძოთ წინსვლა და ჯანსაღი სასიყვარულო კარმის შექმნა თქვენი მომავლისთვის. გამოხატეთ გრძნობები, შეეცადეთ მუდმივად ასიამოვნოთ პარტნიორს. არ დაიშუროთ კომპლიმენტები. იყავით კეთილი და ყურადღებიანი. ეს ყველაფერი, ხელს უწყობს კარგი კარმის მოზიდვას თქვენს ურთიერთობაში.