როგორი ხასიათი გაქვთ

მნიშვნელოვანია, ყურადღება გავამახვილოთ პირველად შემჩნეულ ფიგურაზე, შემდეგ, ბუნებრივია, მეორე სურათზეც. ტესტი გარკვეულ ინფორმაციას მოგცემთ, რაც საკუთარი თავის შეცნობაში დაგეხმარებათ.

თუ დაინახეთ იხვი – თქვენი ცხოვრება ემოციურ იმპულსებზეა დამოკიდებული. ხშირად გეცვლებათ ხასიათი და იღებთ დაუფიქრებელ გადაწყვეტილებებს. მიზნის მიღწევის პროცესში დიდად არ გადარდებთ ციცაბო და დამღლელი გზები. ზოგჯერ კომპრომისებზე წასვლაც მოგწონთ. ყურადღებით უსმენთ სხვებს, ეს იმას არ ნიშნავს, რომ საკუთარი აზრი არ გაქვთ ან ყოველთვის ითვალისწინებთ სხვების რჩევებს, უბრალოდ, გაინტერესებთ. ამიტომ ხართ ასეთი სოციალური და გულახდილი.

თუ კურდღელი დაინახეთ – ლოგიკა თქვენთვის პირველ ადგილზეა, თუმცა ეს იმას არ ნიშნავს, რომ ცივი და უგრძნობი ადამიანი ხართ. მართალია, ყოველთვის ცდილობთ, სიტუაცია აკონტროლოთ და ყველაფრის კურსში იყოთ, თუმცა ეს არ ნიშნავს, რომ ბრუტალური ტირანი ხართ. თქვენ ყურადღებიანი მენეჯერის, შეფის ან ლიდერის პოსტისთვის ზედგამოჭრილი კანდიდატურა იქნებით. საკმაოდ გულისხმიერი და სოციალური არსება ხართ.