პომიდორი, როგორც მკურნალი

1. ლიკოპენის ძალა და უჯრედების დაცვა – პომიდვრის მთავარი სიამაყე ლიკოპენია. ეს არის პიგმენტი, რომელიც მას წითელ ფერს აძლევს. ლიკოპენი უძლიერესი ანტიოქსიდანტია, რომელიც იცავს უჯრედებს თავისუფალი რადიკალების მავნე ზემოქმედებისგან, რაც ამცირებს ქრონიკული დაავადებებისა და სხვადასხვა სახის სიმსივნის განვითარების რისკს.

საინტერესო ფაქტი: ბევრი ბოსტნეულისგან განსხვავებით, თერმულად დამუშავებულ პომიდორში (მაგალითად, მოშუშულში, ტომატ-პასტასა და სოუსებში) ლიკოპენის კონცენტრაცია იზრდება და ორგანიზმი მას ბევრად უფრო მარტივად აითვისებს.

2. გულ-სისხლძარღვთა სისტემის მხარდაჭერა – პომიდორი ხელს უწყობს გულის გამართულ მუშაობას რამდენიმე კომპონენტის წყალობით: კალიუმი – ეხმარება ორგანიზმს არტერიული წნევის დარეგულირებაში და ამცირებს ინსულტის რისკს. ქოლესტერინის კონტროლი – ლიკოპენი და ვიტამინი C ერთობლივად ამცირებენ „ცუდი“ ქოლესტერინის (LDL) დონეს და ხელს უშლიან სისხლძარღვების დაცობას.

3. კანისა და თვალის ჯანმრთელობა – მზისგან დაცვა: მასში შემავალი ბეტა-კაროტინი და ლიკოპენი კანს ულტრაიისფერი სხივებისგან გამოწვეული დაზიანებისგან იცავს და მას ელასტიკურობას უნარჩუნებს. მხედველობის გაუმჯობესება: პომიდორი შეიცავს ლუტეინს, ზეაქსანტინსა და A ვიტამინს, რომლებიც იცავენ თვალის ბადურას და აფერხებენ ასაკობრივი მაკულარული დეგენერაციის (მხედველობის გაუარესების) პროცესს.

4. იმუნიტეტი და საჭმლის მონელება – პომიდორი „ვიტამინების ბომბია“. ერთი საშუალო ზომის პომიდორი C ვიტამინის დღიური ნორმის თითქმის 30%-ს შეიცავს, რაც აძლიერებს იმუნურ სისტემას. მასში, ასევე, არის ვიტამინი K (მნიშვნელოვანია ძვლებისთვის, ასევე, სისხლის შედედებისთვის) და ფოლიუმის მჟავა (B9). საჭმლის მონელება: მასში შემავალი წყალი და უჯრედისი (ბოჭკოები) ხელს უწყობენ ნაწლავების სწორ მუშაობას და ნივთიერებათა ცვლას.

როგორ გამოიყენება პომიდორი სამკურნალო და პროფილაქტიკური მიზნით:

1. გულ-სისხლძარღვთა სისტემის პროფილაქტიკისთვის (შიდა მიღება) – მკურნალები და დიეტოლოგები სისხლძარღვების გასაწმენდად და წნევის დასარეგულირებლად რეკომენდაციას უწევენ ახალგამოწურულ პომიდვრის წვენს. რეკომენდებულია 1 ჭიქა ნატურალური, უმარილო წვენის დალევა ჭამამდე 20-30 წუთით ადრე.

2. ვარიკოზული ვენების სამკურნალოდ (გარეგანი გამოყენება) – ხალხურ მედიცინაში მწვანე (დაუმწიფებელ) ან მწიფე პომიდორს ხშირად იყენებენ ფეხებზე გაფართოებული ვენებისა და კაპილარული ქსელების დროს.

3. კანის დაავადებებისა და ჭრილობების დროს პომიდვრის რბილობს აქვს ანტისეპტიკური და რეგენერაციის (აღდგენის) ხელშემწყობი თვისებები.

დამწვრობა და ნაკბენები: მზისგან დამწვარ კანზე ან მწერის ნაკბენზე პომიდვრის გრილი რბილობის ან წვენის წასმა მომენტალურად აცხრობს წვას, სიწითლესა და შეშუპებას.

4. კოსმეტოლოგიაში (აკნე და პიგმენტური ლაქები) – პომიდორში შემავალი ხილის მჟავები მოქმედებს როგორც ბუნებრივი პილინგი.