ექიმის რჩევები

პასუხი: ბზიკის ნაკბენის შედეგად განვითარებული 3-4 სანტიმეტრიანი შეშუპება და სიწითლე, ქავილთან ერთად, არის ადგილობრივი ალერგიული რეაქცია, რომელიც რამდენიმე დღეში უნდა შემცირდეს. ქავილისა და შეშუპების შესამცირებლად შეგიძლიათ გამოიყენოთ ანტიჰისტამინური გელი, მაგალითად, ფენისტილი (Fenistil). წაისვით თხელ ფენად, დღეში 2-4-ჯერ, სიმპტომების შემცირებამდე ან დაბალკონცენტრირებული ჰორმონალური მალამო, მაგალითად, ჰიდროკორტიზონის მალამო (Hydrocortisone 1%). წაისვით თხელ ფენად, დღეში 1-2-ჯერ.

კითხვა: 11 წლის გოგოს Tsh აქვს 5.8 (0.27-4.2), ვიტამინი D-12 – 30-100. ძალიან სავანგაშოა? თუ შეიძლება, ვიტამინ D-ს ნაკლებობას გამოეწვია ჰორმონის მატება? მოკლედ, მაინტერესებს, შეიძლება, ეს ჰორმონი თვითონ დარეგულირდეს?

პასუხი: TSH 5.8 – არის ზომიერად მომატებული მნიშვნელობა. თუ თავისუფალი T4 ნორმაშია, ზოგჯერ ასეთი ცვლილება დროებითიც შეიძლება იყოს და განმეორებით კონტროლზე თავადაც დარეგულირდეს. D ვიტამინის დეფიციტი პირდაპირ TSH-ის მატების მიზეზად არ მიიჩნევაა, თუმცა ორივე პრობლემა შეიძლება, ერთდროულად არსებობდეს. სასურველია პედიატრ-ენდოკრინოლოგის კონსულტაცია და TSH-ის, თავისუფალი T4-ის და ფარისებრი ჯირკვლის ანტისხეულების კონტროლი.

კითხვა: ბოლო დროს ვამჩნევ, რომ ბოქვენის მიდამომ შესამჩნევად ამოიწია, წონაშიც მოვიმატე მაგრამ ვიფიქრე, თიაქარი ხომ არ მაქვს-მეთქი. რომელი სპეციალობის ექიმს შეიძლება მივმართო?

პასუხი: მიმართეთ ზოგად ქირურგს. ის დაადგენს, თქვენი მუცლის ქვედა ნაწილის გადიდება ჭარბ წონასთან არის დაკავშირებული თუ ეს თიაქარს ან სხვა სამედიცინო მდგომარეობას უკავშირდება.

რუბრიკას უძღვება ოჯახის ექიმი

მაია ნუცუბიძე