რა იწვევს საშარდე გზების ინფექციას და როგორ ამოვიცნოთ ის

ბაქტერიული ინფექცია

საშარდე გზების ინფექციის ყველაზე გავრცელებული მიზეზი არის ბაქტერია, რომელიც შედის საშარდე გზებში, ხშირად ნაწლავებიდან და იწვევს ანთებით პროცესს. საშარდე გზების ინფექციის მიმართ ქალები უფრო მგრძნობიარენი არიან, რადგან მამაკაცებთან შედარებით მათ აქვთ უფრო მოკლე ურეთრა (შარდსადენი), რაც საშუალებას აძლევს ბაქტერიებს უფრო ადვილად შეაღწიონ შარდის ბუშტში.

სექსუალური აქტივობა – საშარდე გზებში ბაქტერიები შეიძლება, სქესობრივმა კავშირმა შეიტანოს.

ჩასახვის კონტროლის გარკვეული საშუალებები – ჩასახვის კონტროლისთვის განკუთვნილი დიაფრაგმის გამოყენებამ შეიძლება, გაზარდოს საშარდე გზების ინფექციის რისკი.

მენოპაუზა – მენოპაუზის შემდეგ ქალები განიცდიან ცვლილებებს საშარდე გზებში ესტროგენის შემცირების გამო, რამაც შეიძლება, გაზარდოს ინფექციის რისკი.

კათეტერის გამოყენება – შარდის დრენაჟისთვის გამოყენებულ კათეტერებს შეუძლიათ, ბაქტერიების შეტანა საშარდე გზებში და ანთებითი პროცესების გამოწვევა.

დასუსტებული იმუნური სისტემა – დასუსტებული იმუნური სისტემის ან ქრონიკული დაავადებების მქონე პირები მეტად არიან მიდრეკილნი საშარდე გზების ინფექციის მიმართ.

ცუდი ჰიგიენა – არასწორმა წმენდამ (წინიდან უკან) და სხვა ჰიგიენურმა პრაქტიკამ შეიძლება, გაზარდოს საშარდე გზების ინფექციის რისკი.

დეჰიდრატაცია – საკმარისი სითხის ნაკლებობამ შეიძლება, გამოიწვიოს შარდის კონცენტრირება, რაც ხელს უწყობს ბაქტერიების ზრდას.

საშარდე გზების ინფექციის ფართოდ გავრცელებული სიმპტომებია: გახშირებული შარდვა, წვის შეგრძნება შარდვის დროს, მტკივნეული შარდვა, ასევე მუქი, სისხლიანი ან უცნაური სუნის შარდი, ცხელება, ღებინება, მუცლის ტკივილი, შემცივნება, წელის ტკივილი მენჯის ტკივილი (ქალებში) ან დისკომფორტი მუცლის ქვედა ნაწილში, საერთო სისუსტე.