პიცა ჩებურეკში
ავტორი: „თბილისელები“ 12:00 26.07, 2022 წელი
პიცა ჩებურეკის რეცეპტი ,,თბილისელებისგან" 👇
საჭირო ინგრედიენტები:
ცომი – 380 გრამი ფქვილი, 200 მილილიტრი მინერალური წყალი, 1 ჩაის კოვზი მარილი, 2 ჩაის კოვზი შაქარი, 4 სადილის კოვზი ზეთი.
შიგთავსი: 120 გრამი მაგარი ყველი, 1 თავი ხახვი, 120 გრამი ძეხვი ან ბეკონი, 2 სადილის კოვზი არაჟანი ან მაიონეზი, 2 სადილის კოვზი კეტჩუპი, 1 კონა ოხრახუში, 100 გრამი პომიდორი ჩერი, შავი პილპილი, 200 მილილიტრი ზეთი.
მომზადების წესი 👩🍳
მოამზადეთ ინგრედიენტები ცომისთვის. თასში ჩაასხით მინერალური წყალი. შეურიეთ მარილი, შაქარი და ზეთი, ჩაუმატეთ გაცრილი ფქვილი და მოზილეთ ცომი – ოდნავ წებოვანი იქნება. შეფუთეთ ცელოფანში და გააჩერეთ 20 წუთი. ამ პერიოდის განმავლობაში მოამზადეთ ჩებურეკის შიგთავსი – ძეხვი, ხახვი და ოხრახუში დაჭერით წვრილად. ყველი გახეხეთ. ინგრედიენტები მოათავსეთ თასში. მოასხით კეტჩუპი და მაიონეზი. აურიეთ. პომიდორი დაჭერით რგოლებად. ცომი გაყავით 12 თანაბარ ნაწილად. გააბრტყელეთ სათითაოდ და მათზე ერთ მხარეს სადილის კოვზით მოათავსეთ შიგთავსი. დაადეთ ერთი ნაჭერი პომიდორი, მოაყარეთ ცოტა ყველი და შეკარით, როგორც ჩებურეკი. შებრაწეთ ცხელ ზეთში ორივე მხრიდან.
გემრიელად მიირთვით!
სიახლეები ამავე კატეგორიიდან