პიცა ყაბაყითა და შნიცელით
ავტორი: „თბილისელები“ 12:00 25.04, 2022 წელი
ყაბაყის გემრიელი კერძის რეცეპტი ,,თბილისელებისგან" 👇
საჭირო ინგრედიენტები:
🔸 300 გრამი უსაფუარო
🔸 ფენოვანი ცომი
🔸 500 გრამი ყაბაყი
🔸 2 ცალი ბულგარული წიწაკა
🔸 2 ცალი პომიდორი
🔸 4 ცალი შნიცელი (გაყინული და გამზადებული ნახევარფაბრიკატი)
🔸 მოცარელას ბურთულები, 6 კვერცხი
🔸 50 გრამი მაგარი ყველი
🔸 მარილი – გემოვნებით.
თუ 28-30 სანტიმეტრის დიამეტრის ფორმაში გამოაცხობთ, ამ ინგრედიენტებით გამოვა ორი პიცა.
მომზადების წესი 👩🍳
ცომი წინასწარ გაალღვეთ და რაც შეიძლება, თხლად გააბრტყელეთ. ჩააფინეთ ფორმაში ისე, რომ ნაპირებზე გადმოეფინოს. ყაბაყი გათალეთ. დაჭერით თხელ რგოლებად. ჩაალაგეთ ერთ ფენად ფორმაში. ბულგარული წიწაკა დაჭერით თხელ რგოლებად. თხლად დაჭერით პომიდორიც. ყაბაყზე მოათავსეთ ჯერ ბულგარული წიწაკა და შემდეგ პომიდორი. უყავით მარილი. შნიცელი ცოტა გაალღვეთ, დაჭერით თხლად და დაალაგეთ პომიდორზე. ზემოდან მოაყარეთ დაჭრილი მოცარელა. კვერცხი კარგად ათქვიფეთ (ერთი კვერცის გული დაიტოვეთ) და მოასხით პიცას. ზემოდან მოაყარეთ დაფხვნილი მაგარი ყველი. გადმოაფარეთ ცომის ნაპირები. წაუსვით კვერცხის გული და გამოაცხვეთ 180 გრადუსზე 35 წუთის განმავლობაში.
გემრიელად მიირთვით!
სიახლეები ამავე კატეგორიიდან