იუმორი
სადღეღამისო რესტორანი
№26
ავტორი: „თბილისელები“ 14:48
ერთხელ, რევაზ ლაღიძე ცეკაში დაიბარეს, თანაც ღამით.
ოჯახი გულგახეთქილი ეკითხებოდა– რას გერჩიანო.
– არაფერი დამიშავებია და ალბათ, არაფერია ისეთიო, ამშვიდებდა.
მართალი გამოდგა, ცეკას ერთ–ერთ მაღალჩინოსანს „თბილისო” მოუსმენია რადიოში და გადაწყვიტა, კომპოზიტორისთვის პატივი ეცა.
დაჟინებით ითხოვდა თურმე.
– მითხარი რა გჭირდება და რა გაგიკეთოთო.
– არაფერი ბატონო, მადლობა, კარგად ვარო.
– არა, რაღაც მაინც იქნებაო!
– მართლა არაფერი მინდა და რა გითხრათო.
– ეგრე არ გამოვა, აუცილებლად უნდა გვითხრა რამე, რა გაგიკეთოთო.
ცოტა იფიქრა და:
– მაშინ, რაკი ეგრეა, თბილისში ერთი რესტორანი მაინც დატოვეთ, დილამდე რომ ღია იყოსო.
იმ დღიდან რესტორანი „დარიალი” სულ ღია იყო – დღე და ღამე.
სიახლეები ამავე კატეგორიიდან
