ჰოროსკოპი და შეუცნობელი

არასასურველ დღეს შეჭრილი თმა ადამიანის ცხოვრებაზე ახდენს გავლენას

№27

ავტორი: „თბილისელები“ 10:00 10.07

ასტროლოგიური
პროგნოზითბილისელებისგან“
დაკოპირებულია

ყველამ არ იცის, რომ ასტროლოგიურად არასასურველ დღეს თმის შეჭრას ადამიანის ცხოვრების შეცვლა შეუძლია, ანუ, თმის შეჭრამაც კი შეიძლება, იმოქმედოს ადამიანის ბედზე. დააკვირდით მთვარის დღეებს, შეარჩიეთ ისეთი დღე, რომელიც სასურველია ვარცხნილობის შესაცვლელად და თავიდან აიცილეთ ზედმეტი პრობლემები, რადგან მათ შეუძლიათ, მოახდინონ არა მარტო პოზიტიური, არმედ ნეგატიური გავლენაც. აუცილებლად გაითვალისწინეთ, რომ ახალმთვარეობის პირველ დღეს, თმის შეჭრას ადამიანის სიცოცხლის შემოკლება შეუძლია. თმა კოსმოსიდან იჭერს ენერგიას და ინფორმაციას, შემდეგ კი, მისი მფლობელის სასიკეთოდ იყენებს. გრძელი თმა ქალებში მეტ მგრძნობელობას ავითარებს, უფრო მიმზიდველსა და სექსუალურს ხდის საპირისპირო სქესის წარმომადგენლებისთვის. გრძელი თმის წყალობით, შეგიძლიათ, ისე მოხიბლოთ მამაკაცი, რომ მისი სიუხეშე, აგრესია და სიხისტეც კი შეასუსტოთ. ასე რომ, გრძელი თმა ნამდვილად დიდ როლს ასრულებს ქალისა და მამაკაცის სასიყვარულო ურთიერთობაში. ეს ფაქტია. სხვათა შორის, გრძელი თმის წყალობით, ადამიანს შეუძლია, საზოგადოებაში ადვილად დაიმკვიდროს ადგილი და ჰარმონიული ურთიერთობაც კი დაამყაროს კოლეგებთან და გარშემო მყოფებთან.

ადამიანი იმიჯისა და ვარცხნილობის შეცვლით ცდილობს, გალამაზდეს ან დეპრესია დაამარცხოს, ცუდი განწყობა გამოიკეთოს და არ აკვირდება, კვირის რომელ დღეს აკეთებს ამას. არადა, კვირის ნებისმიერ დღეს თმის შეჭრა სასურველი არ არის, ამით ადამიანი გარკვეულ ზიანს აყენებს საკუთარ თავს.

მაგალითად, პარასკევ და კვირა დღეს თქვენი და თქვენი მფარველი ანგელოზის კავშირი მაქსიმალურ ზღვარს აღწევს. ამის გაწყვეტა და შესუსტება სწორედ ამ დღეებში თმის მოჭრითა და იმიჯის შეცვლით ხდება და ამას არ გირჩევთ. მაგრამ, თუ არ გაითვალისწინებთ და მაინც შეიჭრით თმას, ამით ზეციურ ძალებთან დაარღვევთ კავშირს და ეს თქვენზე უარყოფითად აისახება. ბევრმა ისიც არ იცის, რომ თმის საკუთარი ხელით შეჭრა არ შეიძლება – ამას უბედობა და პრობლემები ახლავს თან და საგრძნობლად ამცირებს ადამიანის სასიცოცხლო პოტენციალს. ასევე, რომელ დღესაც დავიბადეთ, იმ დღეს არ ღირს თმის მოჭრა, რადგან, ამით თქვენსავე ბედნიერებას აქცევთ ზურგს.

თმა ადამიანს ცხოვრების სწორად დაგეგმვასა და მოწესრიგებაში ეხმარება. თმის ღერი ინახავს ჩვენს წარსულსა და აწმყოს, ეს ყოველივე კი ჩვენს ენერგეტიკაზე უდიდეს ზეგავლენას ახდენს. ასე რომ, არასასურველ დღეს თმის შეჭრა, შესაძლოა, საბედისწერო აღმოჩნდეს. თუ თმის შეჭრა-გალამაზება გადაწყვიტეთ, აუცილებლად ის დღე უნდა შეარჩიოთ, რომელიც საშიში არ არის.

პარასკევსა და კვირა დღეს თმის შეჭრით საკუთარ სიცოცხლეს, ბედ-იღბალსა და კარიერას გარკვეულ საფრთხეს უქმნით. მაგრამ, თუ თმას შეიჭრით ორშაბათს, დარდისა და უსიამოვნო მოგონებებისგან გათავისუფლდებით. ამ დღეს შეჭრილ თმას, თან გაჰყვება უარყოფითი ემოციები. თუ ვარცხნილობის შეცვლას სამშაბათ დღეს გადაწყვეტთ, მაშინ თავს შესაძლო უსიამოვნო ამბებისა და გაურკვეველი სიტუაციებისგან დაიცავთ. ოთხშაბათს თმის შეჭრა და შეცვლილი ვარცხნილობა დაგეხმარებათ, ადვილად მოაგვაროთ პრობლემები სამსახურსა თუ ოჯახში; ასევე, შეგიწყობთ ხელს ადვილად დაარეგულიროთ დაძაბული ურთიერთობები საქმიან პარტნიორებთან. თუ თმას ხუთშაბათს შეიჭრით, შეცვლილი იმიჯი მომხიბვლელს გაგხდით საპირისპირო სქესის წარმომადგენლებისთვის. პარასკევს სილამაზის სალონში ვიზიტსა და ვარცხნილობის შეცვლაზე, როგორც ვთქვით, უარი უნდა თქვათ. სწორედ ამ დღეს, ადამიანის ორგანიზმში შედარებით შენელებულია ბიოქიმიური პროცესები და თმის შეჭრა თქვენს სასიცოცხლო პოტენციალს დაასუსტებს. თანაც, ამ დღეს შეჭრილი თმა ნელა იზრდება და სტრუქტურულ შემადგენლობასაც იცვლის. კვირის დღეებიდან თმის შეჭრა კარგია შაბათს, რადგან, ამ დღეს შეცვლილი იმიჯი დაგეხმარებათ, ადვილად დაძლიოთ დეპრესია, ასევე, სასიყვარულო გრძნობების თამამად გამოვლენაშიც შეგიწყობთ ხელს.

სხვა ფაქტორებთან ერთად, მნიშვნელობა აქვს მთვარის ფაზებსაც. თუ თმას შეიჭრით მზარდი მთვარის პერიოდში, ის მალე გაიზრდება; ხოლო, თუ კლებადი მთვარის ფაზაში შეიჭერით – შედარებით გვიან. არასდროს შეიჭრათ თმა ახალმთვარეობასა და სავსემთვარეობაზე. აგრეთვე, მზისა და მთვარის დაბნელებისას და მთვარის მე-9, მე-15, 23-ე და 29-ე დღეს.

სიახლეები ამავე კატეგორიიდან

ახალი ნომერი - №29

15-21 ივლისი

კვირის ყველაზე კითხვადი

მირზა რეზა

თბილისელი კონსული