რომანტიკული და იმედიანი
ავტორი: ნინო წულუკიძე 23:00 20.07
ხანდახან ვხვდებით ადამიანებს, რომელთა მზერა თითქოს წინასწარ გესაუბრება. ერთი სიტყვაც არ უთქვამს, ემოცია მიმიკითაც არ გამოუხატავს, მაგრამ რაღაც იმგვარად გიყურებს, თითქოს შენი ისტორია უკვე იცის, თითქოს გიცნობს. გიმზერს იმ განცდით, რაც არც არასდროს წამოუძახია, არც აღუნიშნავს… და არც აპირებს.
ქალს ასეთ შეხვედრაზე, როგორც წესი, ორი სრულიად განსხვავებული ემოციები აქვს.
1. დაბნეული, თუმცა რომანტიკულად იმედიანი;
2. დაკვირვებული და თავდაცვითი.
მოდი, ჩამოვყალიბდეთ როგორ უნდა მოვიქცეთ სიტუაციაში, როცა ურთიერთობა მხოლოდ ახლა იწყება:
ურთიერთობა მზერით ვერ შენდება!
ზოგჯერ თავს ვიტყუებთ, რომ „ყველაფერი მზერაშია“, მაგრამ გულწრფელი ურთიერთობა მეტყველებაზე, ინტერესზე, ცნობისმოყვარეობასა და ნდობაზე შენდება.
თუ ადამიანი არაფერს ამბობს და არაფერს გეკითხება, შესაძლოა:
* ეშინია ინიციატივის გამოჩენის;
* თავადაც არ არის გარკვეული საკუთარ სურვილში;
* ან უბრალოდ, არ სურს ზედმეტი კომუნიკაცია და დისტანცია ურჩევნია.
და ეს ყველაფერი მისი მოლოდინია. თქვენი კი შესაძლოა, სრულიად სხვა იფიქროთ.
ხომ არ სჯობს, პირდაპირ ვკითხოთ?
ზოგჯერ ასე ნამდვილად უკეთესია, მაგრამ უმეტესად – ჯერ საკუთარ თავში უნდა გავერკვეთ, რეალურად რა გვინდა:
* რატომ ვცდილობთ „რებუსის“ ამოხსნას – მისი ჩუმი მზერის მიღმა რა დგას?
* რატომ ვართ დიალოგში, რომელიც არ არსებობს?
ეს ურთიერთობაა თუ ჩემი ილუზიები?
ზოგიერთი დუმილი სულაც არ არის სიყვარულის გამომხატველი, ის, უბრალოდ, დუმილია. ქალის ამოცანა არ არის, მყარი ფანტაზიებით ააგოს კოშკი ურთიერთობაზე, რომელიც რეალურად არც დაწყებულა.
შეჩერდით და დააკვირდით
ეს, ერთი შეხედვით, უბრალო რჩევა, სინამდვილეში, გულისხმობს ურთიერთობის იმ უმნიშვნელოვანეს მომენტს, სადაც ემოცია უნდა გადაებას რეალობას. ამიტომ შეჩერდით და დააკვირდით:
• არსებობს თუ არა დიალოგი, რომელიც ორმხრივია – თუკი მთელი კომუნიკაცია თქვენი ინიციატივით ხდება, ეს უფრო მონოლოგს ჰგავს, ვიდრე დიალოგს;
• არსებობს თუ არა მზაობა, რომ მანაც გაგიცნოთ, მოგისმინოთ, გკითხოთ, გიპასუხოთ – სწორედ ეს განსაზღვრავს, არის თუ არა მეორე ადამიანი ამ სივრცეში სრული მოცულობით, თუ მხოლოდ თქვენს მოლოდინში „ინტუიციურად გაჩენილი ფიგურაა“;
•არსებობს თუ არა პატივისცემა თქვენ მიმართ – როგორც პიროვნების, დროის, სივრცის, სურვილების მიმართ. ეს ყველაზე პრაგმატული ინდიკატორია იმისა, რომ ადამიანი თქვენ გვერდით არა მხოლოდ ჩრდილად, არამედ თანასწორად გხედავთ.
ქალის გამოცდილებაში, რომელიც ხშირად უფრო ემოციურ ინტუიციას ენდობა, ასეთი გაჩერება ფიქრს ნიშნავს.
შესაძლოა, მისი გულწრფელი ემპათია და გახსნილობა ურთიერთობის საწყისადაც იქცეს, როდესაც მეორე ნახევარი ჯერ კიდევ ემოციურად არ ჩანს.
მაგრამ სიყვარული ვერ აშენდება იქ, სადაც საუბარი მხოლოდ ერთ ადამიანს ესმის.
როგორ გავუფრთხილდეთ ურთიერთობას
კარგი ურთიერთობა არის ის, რაც სიყვარულით იწყება, მაგრამ მერე, ხანდახან ნერვების გამოცდაზეც გადადის.
იმისთვის, რომ არ დავღალოთ ერთმანეთი ან საკუთარი თავი, მოდი, ვიფიქროთ, როგორ ვუპატრონოთ ჩვენს სიყვარულს.
პირველ რიგში — ერთმანეთის „გაბუტვის ენაც“ უნდა ვიცოდეთ.
თუ ქალი ამბობს: „არაფერია“, ნამდვილად რაღაც არის!
თუ კაცი სუნთქავს ღრმად და ამბობს: „კარგი, როგორც გინდა“, ეგეც არ ნიშნავს, რომ მართლა ისე უნდა მოიქცე, „როგორც გინდა!“
ყოველდღიური პატარ-პატარა სიურპრიზები ჯადოსნობაა.
„გინდა, შოკოლადი მომიტანო?” ამაზე პასუხი: „კი, რა თქმა უნდა“ – ეს უკვე სიყვარულის ზეიმია. სხვათა შორის, ზოგჯერ ბრილიანტებზე უკეთ ჭრის.
უნდა გვახსოვდეს, რომ პარტნიორი არაა „აზრების მკითხველი“.
თუ რაღაც გინდა, თქვი.
თუ რაღაც გაწუხებს, თქვი.
თუ, უბრალოდ, ჩაი გინდა, ესეც თქვი!
იუმორი უნდა დარჩეს!
ხანდახან უთხარი: „ვიცი, რომ გაგაბრაზე, მაგრამ ნახე, როგორი საყვარელი ვარ“ და შესაძლოა, გაბრაზებაც გადაუვიდეს. თუ არა, შოკოლადი მაინც გიშველის.
ურთიერთობა არის ყოველდღიური არჩევანი.
სიყვარულით ყოფნა ეს გადაწყვეტილებაა. „დღესაც შენთან ვარ“ — და ეს უდიდესი მზრუნველობაა.
ურთიერთობას გაფრთხილება უნდა. ცხელ ყავას ხომ ფრთხილად სვამ, რომ არ გადაისხა. თუ ერთად იცინით, თუ ერთმანეთზე ზრუნავთ საუკეთესო ტანდემად დარჩებით.
მოკლედ, თუ დილით ვერ მოასწრო ვარდების ყიდვა, გული არ დაგწყდეთ, სიყვარულისთვის საჭიროა უბრალო რაღაცებიც – სითბო, თვალებში ჩახედვა და ერთად სიცილი.
სიახლეები ამავე კატეგორიიდან
