7 ჩვევა, რომელიც ანელებს დაბერებას

აი, 7 ჩვევა, რომელიც რეალურად მუშაობს.

1. მართე სტრესი – თორემ ის მართავს შენს ასაკს

საქმე ისაა, რომ ქრონიკული სტრესი ზრდის კორტიზოლს.

მაღალი კორტიზოლი კი ამცირებს კოლაგენს, არღვევს ძილს და აჩქარებს უჯრედულ დაბერებას.

როგორ უნდა მოიქცეთ:

•დღეში 20–30 წუთი დარჩით მარტო საკუთარ თავთან;

•გააკეთეთ სუნთქვის ვარჯიში;

•ისწავლეთ საზღვრების დაცვა – დროულად თქვით „არა“.

2. იმოძრავეთ ჰორმონებისთვის, არა მხოლოდ სხეულისთვის

დადგენილია, რომ რეგულარული მოძრაობა ამცირებს ანთებით პროცესებს და აუმჯობესებს ჰორმონულ ბალანსს.

აუცილებელია:

•კვირაში 4-5 დღე 30 წუთი სწრაფი სიარული;

•ძალოვანი ვარჯიში კვირაში 2-ჯერ;

•გაჭიმვა ან იოგა.

მოძრაობა ზრდის ენდორფინებს – ბედნიერი ქალი ყოველთვის ახალგაზრდულად გამოიყურება.

3.ძილი აუცილებელია:

ღრმა ძილის დროს გამოიყოფა ზრდის ჰორმონი, რომელიც უჯრედების აღდგენას უწყობს ხელს. 7–8 საათი ძილი, უბრალოდ, აუცილებელია.

მნიშვნელოვანია ერთსა და იმავე დროს დაძინება. ქრონიკული უძილობა აჩქარებს კანის დაბერებას. ასევე, უნდა გახსოვდეთ, რომ ანტიოქსიდანტებით მდიდარი საკვები ამცირებს ოქსიდაციურ სტრესს. მიირთვით მეტი მწვანე ბოსტნეული, კენკრა, ჯანსაღი ცხიმები (ზეთისხილი, თხილი), წყალი.

• ნაკლები ჭამეთ ან სულ უარი თქვით:

•გადამუშავებულ შაქარზე და ტრანსცხიმებზე.

შაქარი აჩქარებს გლიკაციას – პროცესს, რომელიც კოლაგენს აზიანებს.

ასევე, მნიშვნელოვანია, შეინარჩუნოთ სოციალური კავშირები.

კვლევები აჩვენებს, რომ მარტოობა ზრდის ანთებით პროცესებს და ამცირებს სიცოცხლის ხანგრძლივობას.

ისწავლეთ ახალი რამ: ტვინი კუნთივითაა – თუ არ ვარჯიშობს, სუსტდება. ახალი გამოცდილება ქმნის ახალ ნეირონულ კავშირებს და ანელებს კოგნიტურ დაბერებას.

და ყველაზე მნიშვნელოვანი – შეიყვარე საკუთარი ასაკი!

ქალი, რომელიც საკუთარ ასაკს ებრძვის, მუდმივ სტრესში ცხოვრობს. ქალი, რომელიც მას იღებს, მაგრამ საკუთარ თავზე ზრუნავს – მშვიდია. შინაგანი მშვიდობა კი პირდაპირ აისახება სახეზე.

ასაკი მხოლოდ ციფრია, დაბერება – არჩევანი

ქალი არ ბერდება, როცა პასპორტში ახალი ციფრი ჩნდება, ქალი ბერდება მაშინ, როცა წყვეტს საკუთარი თავის მოსმენას. დაბერება იწყება არა კანით, არამედ რეალობის მიმართ დამოკიდებულებაში.

როცა ვამბობთ: „მე უკვე აღარ შემიძლია“,

„ასაკი აღარ მაძლევს უფლებას“, „ახლა ახალგაზრდების დროა“.

სწორედ აქ იწყება დაღლა.

ქალი, რომელსაც დაბერება არ უნდა:

•სწავლობს რაღაც ახალს და აღწევს თუნდაც მცირე გამარჯვებას;

•თამამად იცვლის თმის ფერს, სტილს, სივრცეს;

•არ ერიდება შეცდომებს;

•არ მიიჩნევს, რომ მისი დრო გავიდა,

რადგან მან ზუსტად იცის რომ ასაკი ზრდაა და შესაძლებლობა.

დიახ, ახალგაზრდობა არის მოძრაობაში. სანამ ქალი მოძრაობს – ფიქრებში, იდეებში, ემოციებში – ის არ ბერდება.

ყველაზე ახალგაზრდა ქალი ის არის, ვისაც ისევ შეუძლია გაოცება.

ვისაც არ ეშინია ახალი ნაცნობობის, ახალი მეგობრობის, ახალი გრძნობის, ახალი პროექტის, ახალი ქალაქის...

ქალი, რომელიც არ ბერდება, არ ამბობს – „საკმარისია“.

ის ამბობს – „მე კიდევ მინდა.“

ცხოვრების სიყვარული – აი, რა არის ასაკის საწინააღმდეგო საშუალება!

დაბერება იწყება ტვინიდან

ბიოლოგიური ასაკი და დაბადების მოწმობაში ჩაწერილი ასაკი ერთი და იგივე არ არის.

თანამედროვე კვლევები აჩვენებს, რომ ქალის საკუთარ ასაკთან შინაგანი დამოკიდებულება პირდაპირ კავშირშია მის ჯანმრთელობასთან, ჰორმონულ ბალანსთან და სიცოცხლის ხანგრძლივობასთან.

ფსიქოლოგიური კვლევები ადასტურებს:

ადამიანები, რომლებიც საკუთარ თავს „ხანდაზმულად“ აღიქვამენ, უფრო სწრაფად კარგავენ ფიზიკურ აქტივობას და იმუნურ გამძლეობას. სტრესი და უარყოფითი თვითიდენტიფიკაცია ზრდის კორტიზოლის დონეს.

მაღალი კორტიზოლი კი:

•აჩქარებს კოლაგენის დაშლას;

•იწვევს კანის ელასტიკურობის დაკარგვას;

•ამცირებს ენერგიას.

ქალი, რომელიც საკუთარ ასაკს აღიქვამს, როგორც განვითარების ეტაპს და არა ეტაპის „დასრულებას“, რეალურად აჩერებს ფსიქოლოგიურ დაბერებას. ანუ, ვინც ასაკს აღიქვამს, როგორც შესაძლებლობას და არა დანაკარგს, ინარჩუნებს მეტ კოგნიტურ მოქნილობასა და ემოციურ სტაბილურობას – ეს კი პირდაპირ აისახება გარეგნობაზე.

ქრონიკული სტრესი არ არის უბრალოდ დაღლა.

ის ბიოლოგიურად აჩქარებს დაბერებას.

მეცნიერებაში არსებობს ტერმინი – ტელომერები.

ეს არის ქრომოსომების დამცავი „ქუდები“, რომლებიც ყოველ გაყოფაზე მოკლდება. კვლევებმა აჩვენა, რომ მუდმივი სტრესი ტელომერების სწრაფ შემცირებას იწვევს – რაც უჯრედულ დაბერებას აჩქარებს.

ქალი, რომელიც მუდმივად ღელავს, ცხოვრობს დანაშაულის განცდით, არ აძლევს თავს დასვენების უფლებას, საკუთარ ორგანიზმს აჩქარებულ რეჟიმში ამუშავებს.

გსმენიათ, ემოციური ჰიგიენის შესახებ? ეს ნიშნავს:

•საზღვრების დაცვას;

•რეგულარულ დასვენებას;

•ემოციების გამოხატვას.

ასე რომ, ქალი, რომელიც სწავლობს სტრესის მართვას, ინარჩუნებს არა მხოლოდ შინაგან სიმშვიდეს, არამედ ფიზიკურ და გარეგნულ ახალგაზრდობასაც.