ნაცნობი სიტყვების უცნობი განმარტებები
ავტორი: თამარ ზამთარაძე 18:00 24.11, 2023 წელი
აუგი –„სარცხვინველი“ (საბა).
აფრაკი – გამრუდებული ფიცარი.
ბაყალი – ხილი.
ბუასილი – სოკოს სენი.
ბულბული – ვარდის ჩიტი.
ზანგი – ყარაჩა.
ზონარი – თითით ნაქსოვი.
თელი – ღორის გოჭი.
კომენტარი – მალემწერალი.
ლიკანი – „თონეში ჩაყუდებული პური“ (საბა).
ლიმონი (ლიმონა, ლიმენა) – ნავსაყუდელი.
ლოყა – პირუტყვის ღაწვი.
ლუდი – ქერის თაფლუჭი.
ლილო – თოვლ-ჭრელი.
ლუსკუმა – მაღალი საფლავი.
მაგალითი – ანდაზა.
მანქანა (მანქანი) – ჭახრაკი.
მარჩბივი – ტყუპი ცხოველი.
მასპინძელი – სახლისა და ლხინის უფალი.
მაშია – ქალის ფეხსაცმელი.
მაწონი – წველა.
ნამუსი – ქართულად: პირისწყალი; არაბულად: რჯული.
ნარგიზი – სიბრძნე.
ფაიკი – შიკრიკი.
ქანი – ლითონი.
ქეშიკი – პირადი მცველი (სხეულის მცველი).
ღარიბი – უცხო.
ყამარი – ცთომილი.
ყდა – საქსოვის გასაბამი.
ყორჩიბაში – მსახურთუხუცესი.
ყიფი – ამაყი.
ჩაფარი – მალემსრბოლი.
ჩიორა – ქათამი.
ჩირგვი – ცუდი ბუჩქი.
ჩიჩვირი – სპილოს ხორთუმი.
ჩიჩქი – ჩრჩილი.
ციბრუტი – ფიცრის სახვრეტელი; ამჟამად: ბურღი (აქედან მომდინარეობს გამოთქმა „ციბრუტივით ტრიალებს“).
ცქერა – თვალის მიშტერება.
ხაფანგი – ქერქი.
ხუი – „სხვათა ენაა. ქართულად ავი ზნე, გინა ფხიკიანობა ჰქვიან“ (საბა).
ჯამაგირი – სარჩო წლიდან წლამდე.
ჯარა (ჯარა-ექიმი) – დასტაქარი; იგივე ქირურგი.
ჯერანი (ჯეირანი) – ქურციკი, გარეული თხა.
ჯინჯიხი – ძალიან ცხელი – მდუღარესა და თბილს შორის.
ჯიქურ – პირისპირ.
სიახლეები ამავე კატეგორიიდან
